ەر وسپاننىڭ رۋحى ءور التايدى كەزىپ ءجۇر،

كوكىرەگىمدى تەكپىلەپ وياتادى سەزىم جىر.

قىران عۇمىر مۇز بالاق، بالاسى ول قازاقتىڭ،

تۇلپار تەكتەس ءتوزىمدى ۇل...

نايزاعايداي نامىسى وت جۇرەكتى شارپىعان،

قارا تۇنەك زامان ەد، شىرقالمايتىن جارقىن ءان.

التىن ەدى ول ءۇشىن التايىنىڭ ءار تاسى،

اسار ەشبىر ۇلت جوق ەدى، مىناۋ قازاق حالقىنان.

قارا نارداي كوتەردى حالىق جۇگىن ءبىر ءوزى،

ۇكى بولىپ ۋىلدەپتىل قاتاتىن ءتۇن ءوزى.

شىنجىر بالاق ءشىبارتوس اجداعا مەن الىستى،

اردا ۇلىنا شۋاعىن توگىۋشى ەدى كۇن ءوزى.

ەلى دەسە ەلىرىپ ەكىلەنىپ ەرلەگەن،

قايران بابام نامىسىن جات قولىنا بەرمەگەن.

ارىستانداي ايباتتى باتىر ەدى ول ايتۋلى،

قارسى كەلگەن دۇشپاندى تابان استى جەرلەگەن.

و،وسپاننىڭ رۋحى ءار قازاققا ۇيالا،

و،وسپاننىڭ رۋحى قىران  بوپ ۇش قياعا.

سەنىڭ اسقاق ەرلىگىڭ ءبىر ولەڭگە سيا ما،

عۇمىر ءسۇرۋ وسپان بوپ ارمان ەندى قازاققا،

وسپان بولىپ ءولۋدىڭ ءوزى باقىت ءسىرادا....

ەر وسپاننىڭ  رۋحى ءور التايدى  كەزىپ ءجۇر....

گۇلمانات اۋەلحان