6-شى ساۋىردەن باستاپ قازاقستاننىڭ بارلىق كينوتەاترلارىنان "سوقىر ماحاببات" اتتى فيلم كورسەتىلەدى دەپ حابارلايدى qamshy.kz. ۇلكەن ەكراندارعا ءتول تىلىمىزدە شىعاتىن اتالمىش ءفيلمنىڭ رەجيسسەرى دانيار سايد، پروديۋسەرى سيۆي ماحمۋدي.
"سوقىر ماحاببات" فيلمىندە باستى رولدەردى - سيۆي ماحمۋدي، رەنات باسيت، جان بايجانبايەۆ، سەرىكبول سايلاۋبەك سياقتى اكتەرلەر سومدادى.
فيلم تۋرالى قىسقاشا ايتا كەتەتىن بولساق، ارلان اتتى جىگىت (رەنات باسيتوۆ)، تاعدىردىڭ تالكەگىندە ابدەن تەربەلىپ، بارشا قايعى-مۇڭدى باسىنان كەشىرىپ،كورۋ مۇمكىندىگىنەن ايىرىلعان انەلگە (سيۆي ماحمۋدي) عاشىق بولىپ قالادى.
الايدا ءبىرىن ءبىرى قۇلاي سۇيگەن ەكى عاشىققا تاعدىر تالاي سىناق دايىنداپ قويعان ەكەن. كەيدە سۇيەتىنىڭدى دالەلدەۋ ءۇشىن، سەزىمىڭدى قۇربان ەتۋگە تۋرا كەلەدى، ماحابباتتىڭ وتەۋى سونداي!
