قازاقستان ۇلتتىق بانكى 2017 جىلعى شىلدەدەگى ينفلياسيالىق پروسەستەر جانە ينفلياسيالىق كۇتۋلەر تۋرالى جاريالادى دەپ حابارلايدى Qamshy.kz اقپارات اگەنتتىگى.

2017 جىلعى شىلدەدە ينفلياسيا ايلىق كورسەتكىش بويىنشا 0،1% دەڭگەيىندە قالىپتاستى، بۇل سوڭعى ەكى جىلدا، ياعني ينفلياسيالىق تارگەتتەۋ رەجيمىنە وتكەن كەزدەن باستاپ ەڭ از ماندە بولىپ وتىر. 7 ايدا ينفلياسيا 3،8% بولدى جانە وتكەن جىلعى وسىنداي كەزەڭدەگى كورسەتكىشتەن (5،2%) تومەن بولىپ قالىپ وتىر.

جىلدىق ينفلياسيا شىلدەدە 7،1%-عا دەيىن تومەندەدى، بۇل ازىق-تۇلىك نارىعىنداعى احۋالدىڭ تۇراقتانۋىنا سەبەپشى بولدى. جىلدىق ينفلياسيا 2017 جىلعا بەلگىلەنگەن 6-8% ءدالىزى شەگىندە تۇر.

جىلدىق كورسەتكىشتەگى بازالىق ينفلياسيانىڭ كورسەتكىشى ينفلياسيا اياسىنىڭ بىرتىندەپ جاقسارۋىن كورسەتە وتىرىپ، ءوزىنىڭ 6،7%-عا دەيىن تومەندەۋىن جالعاستىردى.

شىلدەدە حالىقتىڭ ينفلياسيانى قابىلداۋ جونىندەگى اي سايىنعى پىكىرتەرىمى رەسپوندەنتتەردىڭ جاۋاپتارىن بولۋدە ازداعان اۋىتقۋلار كەزىندە ينفلياسيالىق كۇتۋلەردىڭ تۇراقتى بولاتىنىن كورسەتىپ وتىر.

وتكەن ايداعى باعانىڭ ءوسۋىن پىكىرتەرىمگە قاتىسۋشىلاردىڭ كوپشىلىگى (43%) قالىپتى رەتىندە قابىلدادى، ال ونى كۇشتى دەپ باعالاعان رەسپوندەنتتەردىڭ سانى ودان 10 پايىزدىق تارماققا از. حالىقتىڭ باعانىڭ ءوسۋىن باعالاۋى سوڭعى 12 ايدا ءىس جۇزىندە وزگەرگەن جوق.

كەلەسى ايدا باعا سەرپىنىنىڭ قالىپتى ءوسۋىن جانە تومەندەۋىن كۇتەتىن حالىقتىڭ ۇلەسى ۇلعايدى. كەلەسى 12 اي بويى باعانىڭ ءوسۋىن كۇتەتىندەر اراسىندا ءوسۋ قارقىنىنىڭ اعىمداعى دەڭگەيدە ساقتالاتىندىعى تۋرالى پىكىر باسىم (ۇلەسى 36،3%-دان 38،9%-عا دەيىن ۇلعايدى).

2017 جىلعى شىلدەدە «ءسىزدىڭ پىكىرىڭىزشە، جالپى العاندا باعالار كەلەسى 12 ايدا قالاي وزگەرەدى؟» دەگەن سۇراققا بەرىلگەن جاۋاپتاردىڭ دەرەكتەرى بويىنشا ينفلياسيانىڭ الداعى ءبىر جىلعا ەسەپتەلگەن ساندىق باعاسى حالىقتىڭ ينفلياسيالىق كۇتۋلەرىنىڭ 2018 جىلعا ارنالعان نىسانالى ءدالىز شەگىندە بولۋىن (5-7%) راستايدى جانە 6،4%-دى قۇرايدى.