ەلباسى «ۇلت جوسپارى – «100 ناقتى قادام» باعدارلاماسىندا ءبىلىم بەرۋدى دامىتۋ ماسەلەلەرىنە بايلانىستى ءبىرقاتار تاپسىرمالار بەرگەن بولاتىن.
«ءبىلىم تۋرالى» قازاقستان رەسپۋبليكاسىنىڭ زاڭىنا جانە قازاقستان رەسپۋبليكاسى ۇكىمەتىنىڭ 2008 جىلعى 25 قاڭتارداعى № 64 قاۋلىسىنا سايكەس جەرگىلىكتى اتقارۋشى ورگاندارى قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن ءبىلىم الۋشىلاردىڭ جەكەلەگەن ساناتتارىن (ونىڭ ىشىندە جەتىم بالالارعا، اتا-اناسىنىڭ قامقورلىعىنسىز قالعان بالالارعا، توتەنشە جاعدايلاردىڭ سالدارىنان شۇعىل جاردەمدى تالاپ ەتەتىن وتباسىلاردان شىققان بالالارعا جانە ت.ب.) تەگىن جانە جەڭىلدىكپەن تاماقتاندىرۋدى ۇيىمداستىرادى دەپ حابارلايدى Qamshy.kz اقپارات اگەنتتىگى.
جاو-نىڭ اقپاراتى بويىنشا 2017-2018 وقۋ جىلىندا ىستىق تاماقتاندىرۋدى 6073 مەكتەپتە نەمەسە مەكتەپتەردىڭ 87،2%-دا (سالىستىرۋ ءۇشىن: 2016-2017 وقۋ ج.- 85،5%) 2 651 732 ءبىلىم الۋشىلار ءۇشىن نەمەسە ءبىلىم الۋشىلاردىڭ 94،8%-نا (سالىستىرۋ ءۇشىن: 2016-2017 وقۋ ج. 84،3%) ۇيىمداستىرۋ جوسپارلانۋدا.
تەگىن ىستىق تاماقتاندىرۋدى جەكەلەگەن ساناتتاردىڭ 248 685 ءبىلىم الۋشىلارىن نەمەسە ءبىلىم الۋشىلاردىڭ 100%-ىن (سالىستىرۋ ءۇشىن: 2016-2017 وقۋ ج.- 100%) قامتاماسىز ەتۋ جوسپارلانۋدا.
بارلىعى جەرگىلىكتى بيۋدجەتتەردىڭ ەسەبىنەن تەگىن ىستىق تاماقتاندىرۋمەن 463 026 مەكتەپ وقۋشىلارى نەمەسە 17،4% (سالىستىرۋ ءۇشىن: 2016-2017 وقۋ ج. 477 112 نەمەسە 18%) جانە 8 636 بالا، ونىڭ ىشىندە الەۋمەتتىك تۇرعىدان ءالسىز وتباسىلاردان شىققان بالالار مەن باستاۋىش سىنىپ وقۋشىلار تەگىن بۋفەتتىك تاماقتاندىرۋمەن قامتىلدى.
قالعان وقۋشىلاردىڭ مەكتەپتە تاماقتاندىرىلۋىن جەرگىلىكتى اتقارۋشى ورگاندار اتا-انالار ەسەبىنەن ۇيىمداستىرادى («ءبىلىم تۋرالى» قرز 6-ب.).
رەسپۋبليكانىڭ 3 ايماقتارىندا اكىمدەردىڭ باستاماسىمەن تەگىن ىستىق تاماقتاندىرۋ باستاۋىش سىنىپتاردىڭ بارلىق وقۋشىلارى ءۇشىن ۇيىمداستىرىلدى (استانا قالاسى، اتىراۋ، باتىس قازاقستان وبلىسى).
ايتا كەتەيىك، قازىرگى كەزدە 2017 جىلعى ءى جارتىجىلدىققا ارنالعان ۇكىمەتتىڭ جوسپارىنا سايكەس جاو بىرلەسە وتىرىپ، 1-سىنىپتاردىڭ وقۋشىلارىن تەگىن مەكتەپتىك تاماقتاندىرۋمەن قامتاماسىز ەتۋ ماسەلەسى پىسىقتالۋدا. الدىن الا ۇسىنىلعان دەرەكتەر بويىنشا وسى تاپسىرمانى ورىنداۋ ءۇشىن 1-سىنىپتاردىڭ وقۋشىلارىن تەگىن مەكتەپتىك تاماقتاندىرۋمەن بولجامدى قامتىلۋى 2019 جىلعا قاراي 54%-دان استام نەمەسە 216 756 بالانى (2017-2018 وقۋ ج. – 34%، 2018-2019 وقۋ ج. – 50،5%) قۇرايدى.
پىكىر قالدىرۋ