قىركۇيەك ايىنىڭ 28-جۇلدىزى قازاقتىڭ ءبىر ەمەس، ءۇش جازۋشىسى دۇنيەگە كەلگەن كۇنى. مۇحتار اۋەزوۆتىڭ، ورالحان بوكەيدىڭ جانە  شەرحان مۇرتازانىڭ  تۋعان كۇنى. قابدەش ءجۇمادىلوۆتىڭ سوزىمەن ايتقاندا ءدال وسى كۇنى «قازاققا مۇحتار اۋەزوۆتى سىيلاعان قۇداي ورالحان بوكەي مەن شەرحان مۇرتازانى دا بەرە سالىپتى» دەگەن بولاتىن.

مۇحتار ومارحان ۇلى اۋەزوۆ – قازاقتىڭ ۇلى جازۋشىسى، قوعام قايراتكەرى، عۇلاما عالىم، قازاقستان عىلىم اكادەمياسىنىڭ اكادەميگى. قازىرگى شىعىس قازاقستان وبلىسىنىڭ اباي اۋدانىنداعى ءبورىلى دەگەن جەردە  دۇنيەگە كەلگەن. مۇحتار اۋەزوۆتىڭ «اباي جولى» رومان-ەپوپەياسى ونداعان تىلگە اۋدارىلىپ، قازاق ادەبيەتىن الەمگە تانىتتى. اۋەزوۆتىڭ «اباي جولىنان» بولەك، ءىرىلى-شاعىندى كوپتەگەن شىعارمالارى اعىلشىن، فرانسۋز، ورىس، پارسى جانە ت.ب. تىلدەرگە اۋدارىلىپ باسىلعان.

التايدىڭ اقيىعى ورالحان بوكەي 1943 جىلدىڭ 28 قىركۇيەگىندە شىعىس قازاقستان وبلىسى قاتونقاراعاي اۋدانىنا قاراستى شىڭعىستاي اۋىلىندا ءومىر ەسىگىن اشقان. جازۋشى – دراماتۋرگ، جۋرناليست، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قازاقستان رەسپۋبليكاسى جاستار سىيلىعىنىڭ لاۋرەاتى، ن.وستروۆسكيي اتىنداعى بۇكىلوداقتىق ادەبي سىيلىقتىڭ لاۋرەاتى.

قارا ءسوزدىڭ قاراگەرى، شىندىقتىڭ شىراقشىسى اتانعان اقساقالىمىز بۇگىن 85 جاسقا تولىپ وتىر. شەرحان مۇرتازا ۇلى مۇرتازا – جازۋشى، قوعام قايراتكەرى، قر-نىڭ ەڭبەك سىڭىرگەن مادەنيەت قىزمەتكەرى، قازاقستاننىڭ حالىق جازۋشىسى.  شەرحان مۇرتازا 1932 جىلى جامبىل وبلىسى جۋالى اۋدانى تالاپتى اۋىلىندا دۇنيگە كەلگەن.