سەن جاقسى كورەتىن ەڭ جاقسى مەرەيلى مەزگىل بوپ،
سەن جاقسى كورەتىن ەڭ جاقسى سانامدا ءسوز بۇرلەپ.
سەن جاقسى كورەتىن ەڭ جاقسى شىرايلى كۇنگە ۇقساپ،
سەن جاقسى كورەتىن ەڭ جاقسى ءبىر ايلى تۇنگە ۇقساپ.
سەن جاقسى كورەتىن ەڭ جاقسى ارمانداي ءتۇسى ءاپپاق،
سەن جاقسى كورەتىن ەڭ جاقسى گۇلدەردى قۇشاقتاپ.
سەن جاقسى كورەتىن ەڭ جاقسى سەزىممەن ناپ-نازىك،
سەن جاقسى كورەتىن ەڭ جاقسى سوزىممەن حات جازىپ.
سەن جاقسى كورەتىن ەڭ جاقسى ءان بولىپ ادەمى،
سەن جاقسى كورەتىن ەڭ جاقسى جان بولىپ ۋادەلى...
الاعاي كۇن كەشىپ، تولاعاي مۇڭ كەشىپ كەلەمىن،
سەن جاقسى كورەتىن ەڭ جاقسى كوڭىلدىڭ كۇيى - وسى،
سەبەبىن تۇسىنسەڭ، سەن ەدىڭ، جانىم-اۋ، سەن ەدىڭ،
...مەن جاقسى كورەتىن، ەڭ جاقسى جۇرەكتىڭ يەسى!
قالقامان سارين
