قازاقستاننىڭ قارىزى 22% كوبەيىپ 15 تريلليون تەڭگەگە جەتتى، دەپ حابارلايدى Qamshy.kz اقپارات اگەنتتىگى finprom.kz-كە سىلتەمە جاساپ.

قازاقستاننىڭ مەملەكەتتىك قارىزى 2018 جىلدىڭ ماۋسىم ايىنىڭ ەسەبى بويىنشا 14،8 ترلن تەڭگەگە جەتتى. بۇل كورسەتكىش – بىلتىرمەن سالىستىرعاندا (12،1 ترلن تەڭگە) 21،9% كوپ.

ەلدىڭ قارىزى مەملەكەتتىك قارىزدان تۇرادى. ول  14،2 ترلن تەڭگە (ءوسىم - 20%). كەپىلدەنگەن قارىز - 523 ملرد تەڭگە (ءوسىم - 2،2%) جانە مەملەكەت كەپىل بولعان ىشكى قارىز - 37،8 ملرد تەڭگە (وزگەرىسسىز).

مەملەكەتتىك قارىز ق ر ۇكىمەتىنىڭ ىشكى قارىزىنىڭ ەسەبىنەن كوبەيگەن. ءبىر جىلدا ول 30،6%، ياعني 4،4-دان 5،8 ترلن تەڭگەگە ارتقان. سىرتقى قارىز 4،7% نەمەسە 210 ملرد تەڭگەگە كوبەيگەن.

سوڭعى 5 جىلدا مەملەكەتتىك قارىز 4 ەسە وسكەن. ورتاشا ەسەپپەن قارىزدىڭ كولەمى جىلدا 28،8% كوبەيىپ وتىر.

بارلىق سالا بويىنشا مەملەكەتتىك شىعىن 9،6% نەمەسە 449،1 ملرد تەڭگەگە ارتتى.