پسيحولوگياعا قىزىعاتىن جاندار لۋيزا حەي دەگەن ەسىمدى جاقسى تانيدى. موتيۆاسيانى ماي شاممەن ىزدەپ جۇرگەندەر دە تۇبىندە لۋيزا حەيدىڭ جازعاندارىن شولىپ وتەدى. ءتان ازابىنان بۇرىن جان ازابىن تارتىپ جۇرگەنىمىز كوپ بولعاندىقتان لۋيزا حەيدىڭ كىتاپتارىن جاي عانا كوزبەن شالىپ وتپەي، كوڭىلگە توقىپ، ساناعا ءتۇيىپ، ون رەت قايتالاپ وقۋ قاجەت سياقتى. «قامشى» جاقسىلىقتىڭ جارشىسى بولعىسى كەلەدى. سوندىقتان دا جازۋشى مىرزاگەلدى كەمەلدىڭ اۋدارماسىنداعى لۋيزا حەيدىڭ «كوگىلدىر كىتابىن» بىرنەشە بولىمگە بولە وتىرىپ، تۇراقتى تۇردە وقىرماننىڭ نازارىنا ۇسىنىپ وتىرۋدى ءجون دەپ شەشتى. ءبىرىنشى، ەكىنشى بولىمدەر سايت بەتىنەن شىعىپ ۇلگەرگەن بولاتىن. ەندىگى كەزەك ءۇشىنشى بولىمدە. اتالمىش ءبولىم ادامنىڭ الاڭسىز، ۋايىمسىز ءومىر سۇرۋىنە كەدەرگى كەلتىرەتىن ويلارىنا ارنالعان. قاتەرلى ىسىكتى نەبارى 6 ايدا جەڭىپ، بارشا دارىگەرلەرىن تاڭ قالدىرعان، 2017 جىلى 91 جاسىندا اۋىرماي-سىرقاماي كوز جۇمساعان لۋيزانىڭ وقيعاسى جىگەرىن جاسىتىپ العان جاستارعا ۇلگى بولسىن دەيمىز.
وزىمىزدەگى وزگەرىستەرگە قارسىلىق
كەيبىر پىكىرلەردىڭ بىزدە تەرەڭ ورىن تەپكەنى سونشالىق، ونى بىردەن بايقاي دا المايسىڭ. ءبىز ارىزدانا باستايمىز نەمەسە بۇنى الدىمەنەن باسقا ورىنداردان اڭعارا باستايمىز. ءبىز دوسىمىزدى، ءمۇعالىمىمىزدى نەمەسە كىتاپتى وزىمىزگە تارتامىز، سولاردىڭ ارقاسىندا تەرەڭ ۇيقىدان ويانا باستايمىز. مەنىڭ ءوز باسىمدا بۇل پروسەسس ءبىر قۇربىمنىڭ ەسكەرتپەسىنەن باستالدى. وعان ءبىر كەزدەسۋ تۋرالى ايتىپتى، ول بارماعان ەدى، ال مەنىڭ ىشكى دۇنيەم بارۋدىڭ قاجەت ەكەنىن بىلدىرگەننەن كەيىن مەن باردىم. بۇل كىشكەنتاي كەزدەسۋ شىندىق جولىنداعى مەنىڭ العاشقى قادامىم بولدى، كەيدە بىزگە بۇنداي جاعدايلار ەلەۋسىزدەۋ بولىپ كورىنەدى. ءبىز ءتىپتى وسى ەلەۋسىز ارەكەتتى ىستەۋگە شاقىرعان وي ءۇشىن وزىمىزگە رەنجيمىز دە. ەگەر بۇنىڭ ءبىزدىڭ ساۋىعۋ پروسەسىندەگى العاشقى قادامىمىز ەكەنىن تۇسىنسەك، بۇل رەاكسيا جاقسى. بۇل پروسەسس ءبىز وزگەرۋگە شەشىم قابىلداعان كەزدە باستالادى.
شىدامسىزدىق – قارسىلاسۋدىڭ وزگە ءبىر فورماسى. وزگەرىستىڭ تۋرا ءقازىر بولۋىن تالاپ ەتكەن كەزدە ءبىز ءوزىمىزدى ءوزىمىز تۋدىرعان پروبلەمالاردى شەشۋ ءۇشىن قاجەت ماڭىزدى ساباقتاردان ايىرامىز.
مەن پاسيەنتكە ونىڭ پروبلەماسىنان ورىن العان ادامدى كەشىرۋدى ۇسىنعان كەزدە ونىڭ جۇدىرىقتارى ءتۇيىلىپ، تىستەنەدى. قارسىلاسۋ بىلىنە باستايدى جانە مەن وعان تۋرا وسى جەردە جۇمىس ىستەۋ كەرەك ەكەنىن بىلەمىن.
ءبىزدىڭ بارىمىزگە دە ءومىردىڭ ماڭىزدى ساباقتارىنان ءوتۋ كەرەك. ءبىزدىڭ ومىرىمىزدەگى كەيبىر زاتتار ءبىز ءۇشىن قيىن، سەبەبى بۇل ساباقتاردى ءبىز وزىمىزگە ءوزىمىز تاڭداعانبىز. ەگەر ءبىزدىڭ ومىرىمىزدەگى كەيبىر زاتتار ءبىز ءۇشىن جەڭىل بولاتىن بولسا، وندا بۇل – ساباق ەمەس، بۇلار ءوزىمىز بۇرىننان بىلەتىن زاتتار.
ەگەر ءبىز وزگەرۋدىڭ قيىن ەكەنىن بىلسەك، وندا ءسىز ومىرىڭىزدەگى ەڭ قيىن ساباقپەنەن ۇستاسىپ تۇرسىز. بۇنداي قارسىلىقتارعا بولا وزگەرىستەردەن باس تارتۋدىڭ قاجەتى جوق. ءسىزدىڭ ەكى دەڭگەيدە جۇمىس ىستەۋىڭىزگە بولادى:
*1. ءوز قارسىلىعىڭىزدى سانالى تۇردە قابىلداۋ.
*2.ۇنەمى وزگەرىستە بولۋ.
ءوزىڭىزدى باقىلاپ قاراڭىز، ءسىز قالاي قارسىلاسۋداسىز جانە بۇعان قاراماستان وزگەرىڭىز.
ءبىزدىڭ ارەكەتىمىز ءبىزدىڭ قارسىلاسىپ جاتقانىمىزدان حابار بەرەدى.
بۇل مىنادان كورىنەدى:
اڭگىمە تاقىرىبى وزگەرۋىمەن؛
بولمەدەن شىققىڭىز كەلۋىمەن؛
دارەتحاناعا بارعىڭىز كەلۋىمەن؛
كەشىگۋمەن؛
اۋىرۋمەن؛
جان-جاققا نەمەسە تەرەزەگە قاراۋمەن؛
ءبىر نارسەگە كوڭىل بولۋدەن باس تارتۋمەن؛
جەگىڭىز، ىشكىڭىز، شەككىڭىز كەلۋىمەن؛
قارىم-قاتىناستىڭ اياقتالۋىمەن.
پىكىر. ءبىز تۇبىندە قارسىلىققا اينالاتىن پىكىرمەن وسەمىز. مىنە، ءبىزدىڭ كەيبىر شەكتەۋلى پىكىرلەرىمىز.
*بۇل ماعان جاراسپايدى؛
*ەركەكتەر (ايەلدەر) بۇنى ىستەمەۋ كەرەك؛
*مەنىڭ وتباسىمدا بۇلاي بولماعان؛
*ماحاببات – بۇل مەنىڭ قولىم ەمەس، بۇل وتە اقىماقتىق؛
جولى وتە ۇزاق؛
وتە قىمبات؛
كوپ ۋاقىت الادى؛
مەن بۇعان سەنبەيمىن؛
مەن بۇنداي ەمەسپىن.
«ولار». ءبىز ءوز كۇشىمىزدى باسقالارعا بەرەمىز ءجان بۇنى وزگەرىستەرگە تويتارىس بەرەتىن سىلتاۋ رەتىندە پايدالانامىز. ءبىزدىڭ باسىمىزدا مىناداي يدەيالار بار:
* ءساتىنىڭ تۇسپەۋى؛
* «ولار» ماعان وزگەرۋگە رۇقسات ەتپەيدى؛
مەندە قاجەتتى ءمۇعالىم، كىتاپ، كلاسس ت.ب. جوق؛
مەنىڭ دارىگەرىم باسقاشا ايتادى؛
بۇل ولاردىڭ كىناسى؛
ءبىرىنشى ولار وزگەرۋى كەرەك.
ولار تۇسىنبەيدى.
بۇل مەنىڭ پىكىرلەرىمە، دىنىمە، فيلوسوفياما قارسى.
ءبىز ءوزىمىز تۋرالى ويلايمىز:
تىم كارىمىن؛
تىم جاسپىن؛
تىم سەمىزبىن؛
تىم ارىقپىن؛
تىم ۇزىنمىن؛
تىم كىشكەنتايمىن؛
تىم جالقاۋمىن؛
تىم كۇشتىمىن؛
تىم اقىماقپىن؛
تىم كەدەيمىن؛
تىم سابىرلىمىن؛
مۇمكىن مۇنىڭ ءبارى مەن ءۇشىن ەمەس.
بىزدەگى ەڭ ۇلكەن قارسىلىق قورىققاندىقتان پايدا بولادى – بەلگىسىزدىك الدىنداعى قورقىنىش. تىڭداڭىز:
*مەن دايىن ەمەسپىن؛
*مەنەن ەشتەڭە شىقپايدى؛
*ال كورشىلەرىم نە دەيدى؟
*مەنىڭ «قۇرت تولى بانكىنى» اشقىم كەلمەيدى؛
*ال مەنىڭ اتا-انامنىڭ (كۇيەۋىمنىڭ، ايەلىمنىڭ، اجەمنىڭ، ت.ب.) رەاكسياسى قالاي بولادى؟
*مەن وتە از بىلەمىن؛
*ەگەر مەن ءوزىمنىڭ جانىمدى اۋىرتسام نە بولادى؟
*مەنىڭ پروبلەمالارىم تۋرالى وزگەلەردىڭ بىلگەنىن قالامايمىن؛
*مەن بۇل تۋرالى ايتقىم كەلمەيدى؛
*تىم قيىن؛
*ماعان اقشا جەتپەيدى؛
*مەن ءوزىمنىڭ دوستارىمدى جوعالتامىن؛
*مەن ەشكىمگە سەنبەيمىن؛
*مەن بۇعان ساي بولارلىقتاي جاقسى ەمەسپىن.
بۇل ءتىزىمنىڭ ءتۇپسىز جالعاسا بەرۋى مۇمكىن.
مەنىڭ ءبىر ايەل كليەنتىم ءۇش اۆتوموبيل اپاتىنا ۇشىرادى، جۇلىنىن، موينىن ءۇزدى جانە تىزەسىن سىندىردى. ول ماعان كەلە جاتقاندا جولدا سوعىسىپ، ونىڭ ۇستىنە كولىك تىعىنىندا تۇرىپ قالىپ، سونىڭ كەسىرىنەن كەشىكتى. ماعان ءوزىنىڭ پروبلەماسىن ايتۋ وعان جەڭىل ءتيدى، وعان: «ءبىر مينۋت توقتاي تۇرىڭىز، مەنىڭ سىزگە بىردەڭە ايتقىم كەلەدى» دەگەندە، مىنە، سول كەزدە باستالدى. كوزىلدىرىگى مازاسىن الدى، ول باسقا ورىندىققا وتىردى، سوسىن وعان دارەتحاناعا بارۋ قاجەت بولدى. قابىلداۋدىڭ سوڭىنا دەيىن ونىڭ كوڭىلىن توقتاتۋ مۇمكىن بولمادى. سوڭىنان مەن ونىڭ اپايىنىڭ دا ەكى رەت موينىن ءۇزىپ العانىن، سونداي-اق ولاردىڭ شەشەسىنىڭ دە موينىن ءۇزىپ العانىن ءبىلدىم.
دوستارىڭىزدى ءوز جايىنا قويىڭىز
ءبىز ءوزىمىزدىڭ پروبلەمالارىمىزعا كوڭىل اۋدارۋدىڭ ورنىنا قاي دوستارىمىزدىڭ وزگەرۋى قاجەت ەكەنىن شەشىپ جاتامىز. بۇل دا قارسىلاسۋ فورماسى. بۇل جاعدايدا مەن اركىم وزىنە تەرەڭ ءۇڭىلىپ قاراۋدى جانە ءبىزدىڭ دوستارىمىزدا تۋرا سونى نەلىكتەن وزگەرتكىمىز كەلەتىنىن اڭعارۋدى ۇسىنامىن. ادەتتە ءبىز وزىمىزدە وزگەرتۋ قاجەت نارسەنى باسقالاردىڭ بويىندا وزگەرتۋگە تىرىسامىز.
ءبىزدىڭ بارىمىزدە دە ءبىز قالاي ارەكەت ەتىپ، قالاي ويلاساق، تۋرا سولاي قيمىلداپ، ويلاۋىمىزدىڭ قاجەتتىلىگى تۋرالى سەزىم تەرەڭ ورىن العان. بۇل ءبىزدىڭ تانىمىمىزعا سايكەس كەلەدى نەمەسە سونىڭ كورىنىسى بولىپ تابىلادى. ەگەر تانىم بولماسا، وندا ونىڭ كورىنۋى دە بولماس ەدى. ءبىزدىڭ بويىمىزدا ارتىق سالماقتى تۋدىراتىن، ناشار قارىم-قاتىناسقا، كەدەيلىككە، كوڭىل-كۇيدىڭ بۇزىلۋىنا، ت.ب. الىپ كەلەتىن بىردەڭە بار.
ءسىز وزىڭىزگە: «مەن بۇنى ەشقاشان ىستەمەيمىن» دەپ قانشا رەت قايتالادىڭىز. سوعان قاراماستان ءسىز تاعى دا تورت جەيسىز، ءتىپتى، بۇنى ەندى ىستەمەسكە وزىڭىزگە ءوزىڭىز ۋادە بەرگەن سول كۇن بىتپەي جاتىپ-اق، تاعى دا تەمەكى شەگەسىز، سىزگە قىمبات ادامدارعا دورەكى مىنەز كورسەتەسىز، ت.ب. ءبىز وزىمىزگە رەنجىپ: «سەندە تيتتەي دە جىگەر-كۇش جوق! سەن ءالسىزسىڭ!»، دەپ پروبلەمانى ودان سايىن كۇردەلەندىرە تۇسەمىز. بۇل ءوزىمىزدىڭ يىعىمىزعا ارقالاپ جۇرگەن ازاپتىڭ ادام توزگىسىز اۋىر جۇگىن ودان سايىن اۋىرلاتا تۇسەدى.
بۇنىڭ ورنىنا ءسىز وزىڭىزگە: «مەن ءوزىمدى ۇنەمى كەمسىتىپ سەزىندىرەتىن جاسىرىن تىلەكتەن ازات بولعىم كەلەدى. مەن ومىردەگى بارلىق جاقسىلىقتارعا تاتيمىن جانە مەن وزىمە بۇنى سۇيىسپەنشىلىكپەن قابىلداۋعا رۇقسات ەتەمىن» دەڭىز.
ءوز تانىمدارىڭىزدى وزگەرتسەڭىز، ءسىزدىڭ ءومىرىڭىز وزگەرەدى!
ءبىزدىڭ ءاربىر ويىمىزدى وزگەرتۋگە بولادى!
ەگەر ءسىزدى ۇنەمى قاجەتسىز ويلار مازالاسا، ونداي ويلاردى توقتاتىپ، ولارعا: «جوعال!» دەڭىز. ونىڭ ورنىنا سىزگە ساتتىلىك اكەلەتىن مىناداي ويلاردى قابىلداڭىز.
قالاي وزگەرۋگە بولادى؟
بۇنىڭ نەگىزىندە ءۇش نەگىزگى پرينسيپ جاتىر:
وزگەرۋگە قۇلىقتىلىق.
اقىلعا باقىلاۋ قويۋ.
ءوزىڭدى جانە وزگەلەردى كەشىرۋ.
وزگەرۋگە قۇلىقتىلىق تۋرالى جوعارىدا ايتتىق، ەندى اقىلعا باقىلاۋ قويۋ تۋرالى ايتايىق. ءبىزدىڭ ءبارىمىز اقىلىمىزعا قاراعاندا الدەقايدا زورىراق ءبىر نارسەمىز. ءسىز مۇمكىن، ومىرىڭىزدەگى بارلىق نارسەلەرگە اقىل جاۋاپتى دەپ ويلايتىن شىعارسىز. ءبىراق بۇنداي تانىم ءسىزدىڭ وسىلاي ويلايتىندىعىڭىزعا عانا نەگىزدەلگەن. ءسىزدىڭ اقىلىڭىز – بۇل ولاي دا، بۇلاي دا قولدانۋعا بولاتىن قارۋ. ول ءارقاشان ءسىزدىڭ قىزمەتىڭىزدە. ءبىر مينۋتقا ويىڭىزداعى «مىلجىڭدى» ءوشىرىڭىز دە «ءسىزدىڭ اقىلىڭىز – ءسىزدىڭ قارۋىڭىز» دەگەن پىكىردىڭ ءمانى تۋرالى ويلانىڭىز. ونى قالاي پايدالانۋدى ءسىز ءوزىڭىز شەشەسىز.
ءسىز تاڭدايتىن ويلار ءسىزدىڭ بارلىق ومىرلىك جاعداياتتارىڭىزدى تۋدىرادى. وي مەن سوزدە ادام سەنبەستەي كۇش بار. ءسىز ءوزىڭىزدىڭ ويىڭىز بەن سوزىڭىزگە باقىلاۋ جاساعان كەزدە، ءسىز بۇل كۇشپەنەن ۇيلەسىمدە بولاسىز. ءسىزدىڭ اقىلىڭىز سىزگە باقىلاۋ جاسايدى دەپ ويلاماڭىز. ءتىپتى، كەرىسىنشە، ءسىز اقىلىڭىزعا باقىلاۋ جاسايسىز.
«ازاتتىق» جاتتىعۋى
تەرەڭ دەم الىڭىز، سوسىن اۋانىڭ ءبارىن سىرتقا شىعارىڭىز. دەنەڭىزدى بوساتىڭىز. سوسىن وزىڭىزگە ايتىڭىز: «مەنىڭ ازات بولعىم كەلەدى. مەن ەڭسەنى باسقان بارلىق سالماقتان بوسايمىن. وزىممەن ءوزىم جاراسىم تابامىن. مەن ءومىر پروسەسىنىڭ وزىنەن جاراسىم تابامىن. قاۋىپ-قاتەردەن تىسپىن». بۇل جاتتىعۋدى ءۇش رەت قايتالاڭىز. ءسىز قيىن جاعدايدا تۇرعانداي بولساڭىز، وسى سوزدەردى قايتالاڭىز. سوندا بۇل سوزدەر ءسىزدىڭ ءبىر بولشەگىڭىزگە اينالادى جانە قالىپتى بولعانى سونشالىقتى، بارلىق سالماق پەن كۇن سايىنعى كۇرەس بىرتىندەپ ءسىزدىڭ ومىرىڭىزدەن جوعالادى. دەنەڭىزدى بوس ۇستاڭىز جانە جاقسى نارسە تۋرالى ويلانىڭىز. بۇل سونداي وڭاي.
ءتاني بوساڭسۋ
كەيدە سىزگە ءتاني بوساڭسۋ قاجەت. ءبىز تاپ كەلەتىن جاعدايلارداعى كەلەڭسىز تاجىريبەلەر مەن باسىمىزدان وتكەرەتىن ەموسيالار كوبىنە ءبىزدىڭ تانىمىزدە قالادى. بۇدان ءتاني ازات بولۋ فورماسىنىڭ ءبىرى – ماشينانىڭ نەمەسە ءۇيدىڭ تەرەزەسىن جاۋىپ، بار كۇشىڭمەن ايقاي سالۋ. بار كۇشىڭمەن جاستىقتى نەمەسە كەرۋەتتى ۇرعىلاۋ – كەلەسى زالالسىز ءادىستىڭ ءبىرى. ءارتۇرلى سپورتپەن شۇعىلدانۋ نەمەسە جىلدام ءجۇرۋ دە تۋرا وسىنداي ناتيجەگە الىپ كەلەدى. جاقىندا، بىر-ەكى كۇننىڭ بەدەرىندە يىعىم سۇمدىق قاتتى اۋىردى. اۋرۋعا كوڭىل اۋدارعىم كەلمەدى، ءبىراق ول كەتپەدى. سوندا مەن وزىمنەن سۇرادىم: «نە بولىپ جاتىر، ماسەلە نەدە؟ مەنى نە الاڭداتادى؟». مەن جاۋاپ تاپپادىم، سوندىقتان وزىمە: «ەندەشە، قاراپ كورەلىك» دەدىم. كەرۋەتكە ەكى ۇلكەن جاستىقتى قويدىم دا، ونى بار كۇشىممەن تومپەشتەي باستادىم. 12 سوققىدان كەيىن مەنى نە اشۋلاندىراتىنىن انىق ءبىلدىم. ءبارى انىق بولدى، مەن جاستىقتى ودان سايىن ۇرا باستادىم، وسىلاي مەن ءوزىمدى اشۋلانۋ سەزىمىنەن ازات ەتتىم. اياقتاپ بولىپ، مەن ءوزىمدى الدەقايدا جەڭىل سەزىندىم، ال كەلەسى كۇنى اۋرۋ تىپتەن جوعالدى.
وتكەننەن ازات بولۋ
مەنىڭ كوپتەگەن پاسيەنتتەرىم: ءقازىر باقىتتى بولا المايمىز، سەبەبى وتكەن كەزەڭدەردە جارالى بولعانبىز دەيدى. ويتكەنى ولار ىستەۋگە ءتيىس نارسەنى ىستەگەن جوق. ويتكەنى، ەندى، ولاردىڭ دۇنيەدە ەڭ ارداق تۇتقان نارسەلەرى جوق. ويتكەنى ولاردى كەزىندە جارالى قىلعاندىقتان ولار ەشكىمدى جاقسى كورە المايدى: ەرتەرەكتە ىستەگەن سۇمدىق ىستەرى ءۇشىن وزدەرىن اياۋسىز قارعايدى. ويتكەنى بۇنى ولار ەشقاشاندا كەشىرمەيدى جانە ۇمىتا المايدى.
ۇنەمى وتكەندى ەستە ۇستاۋ – دەمەك، ءوزىڭدى قيناۋ. ءسىزدىڭ الدىڭىزدا كىنالى بولعاندارعا – ولارعا ءبارىبىر. «ولار» ءتىپتى ءبىزدىڭ قينالىسىمىزدىڭ كولەمىن دە بىلمەيدى. سوندىقتان دا ءوز ويىڭدى وتكەنگە باعىتتاۋدىڭ ەشقانداي ءمانى جوق. ول كەلمەسكە كەتتى جانە بۇنى وزگەرتۋ مۇمكىن ەمەس. ەسەسىنە وعان دەگەن ءبىزدىڭ قاتىناسىمىزدى وزگەرتۋگە بولادى.
وتكەننەن ازات بولۋ جاتتىعۋى
قانەكي، وتكەندى تەك ەستەلىكتەر تۇرعىسىنان سارالايىقشى. ەگەر ءسىز ءۇشىنشى كلاستا نە كيگەنىڭىزدى ەسىڭىزگە تۇسىرەتىن بولساڭىز، وندا بۇل ەستەلىك قانداي دا ءبىر ەموسيونالدى باعالاۋدان ادا بولادى. ءسىزدىڭ وتكەن ومىرىڭىزدەگى بارلىق وقيعالارعا وسىلاي قاراۋعا بولادى. ءبىز ازات بولۋ مۇمكىندىگىنە قاراي ءوزىمىزدىڭ بارلىق اقىل-وي كۇشىمىزدى وسى ساتتە پايدالانۋعا بەيىمدەلەمىز. تاعى دا ءوزىڭىزدىڭ رەاكسياڭىزدى باقىلاڭىز. بۇل ءۇشىن سىزگە نە ىستەۋ كەرەك؟ ءوزىڭىزدىڭ وتكەنىڭىزبەن ايىرىلىسۋعا ءسىز دايىنسىز با نەمەسە ءسىز سونى قالايسىز با؟ ءسىزدىڭ قارسىلاسۋ دارەجەڭىز قانشالىقتى؟
كەشىرۋ. وتە ماڭىزدى تاراۋ
ءسىز بەن ءبىزدىڭ كەلەسى قادامىمىز – كەشىرۋ. بۇكىل سۇراقتار مەن پروبلەمالاردىڭ جاۋابى كەشىرىم جاساۋدا جاتىر. ءبىزدىڭ ومىرىمىزدە، قانداي سيپاتتا بولعانىنا قاراماستان، پروبلەمالار تۋىنداپ جاتسا، وندا بىزگە بىرەۋدى كەشىرۋ قاجەت ەكەنىن مەن ءوز جەكە باسىمنىڭ تاجىريبەسىنەن بىلەمىن. ماحاببات – ءبىزدىڭ كەز-كەلگەن پروبلەمالارىمىزدىڭ جالعىز جاۋابى، جانە بۇنداي حالگە جەتۋدىڭ جولى – كەشىرۋدە جاتىر. كەشىرۋ – رەنىشتى سەيىلتۋ. ونىڭ بىرنەشە ءادىسى بار.
رەنىشتى سەيىلتەتىن جاتتىعۋ
ءبىر تىنىش جەردە وتىرىڭىز، دەنەڭىزدى بوس ۇستاڭىز. ءسىز الاكولەڭكە تەاتردا وتىرمىن، ال الدىمدا شاعىن ساحنا دەپ كوزگە ەلەستەتىڭىز. ساحناعا ءسىز كەشىرۋگە ءتيىستى ادامدى قويىڭىز (دۇنيەدە ەڭ جەك كورەتىن ادامىڭىز). بۇل ادام ءتىرى نەمەسە ءولى بولۋى مۇمكىن، سونداي-اق ءسىزدىڭ جەك كورۋ سەزىمىڭىز دە نە وتكەن شاقتىكى نە وسى شاقتىكى. ءسىز بۇل ادامدى انىق كورگەن كەزدە، ول ادامنىڭ ومىرىندە ۇلكەن ماڭىزعا يە جاقسىلىقتار بولىپ جاتىر دەپ ەلەستەتىڭىز. ونى جايدارى جانە باقىتتى كۇيدە كوزىڭىزگە ەلەستەتىڭىز. وسى وبرازدى ءوز ەلەستەتۋىڭىزدە بىرنەشە مينۋت ۇستاپ تۇرىڭىز، سوسىن جويىپ جىبەرۋىڭىزگە بولادى.
سوسىن، ءسىز كەشىرۋگە ءتيىس ادام ساحنانى بوساتادى، ول جەرگە ءوزىڭىزدى قويىڭىز. ءوزىڭىزدى باقىتتى دا جايدارى قىلىپ ەلەستەتىڭىز. جانە جاراتىلىستىڭ مەيىرىمى ءبىزدىڭ بارىمىزگە دە جەتەتىنىن ءبىلىڭىز. بۇل جاتتىعۋ قوردالانعان رەنىشتەردىڭ قارا بۇلتتارىن سەيىلتەدى. كەيبىرەۋلەرگە بۇل جاتتىعۋ وتە قيىن بولىپ كورىنۋى مۇمكىن. بۇل جاتتىعۋدى جاساعان سايىن قيالىڭىزدا ءتۇرلى ادامداردى سۋرەتتەۋگە بولادى. بۇل جاتتىعۋدى ءبىر اي بويى كۇنىنە ءبىر رەتتەن جاساپ تۇرىڭىز جانە قانشالىقتى جەڭىلدەنگەنىڭىزدى باقىلاڭىز.
«ويشا كوزگە ەلەستەتۋ» جاتتىعۋى
مىنە، تاعى ءبىر وتە جاقسى جاتتىعۋ. ءوزىڭىزدى جاس ءسابي قىلىپ ەلەستەتىڭىز (5-6 جاسار). وسى ءسابيدىڭ كوزىنە تەرەڭ قادالىپ قاراڭىز. تەرەڭ مۇڭدى كورۋگە جانە ونىڭ سىزگە دەگەن ماحاببات مۇڭى ەكەنىن تۇسىنۋگە تىرىسىڭىز. قولىڭىزدى سوزىپ، كىشكەنتاي ءسابيدى قۇشاقتاڭىز، كوكىرەگىڭىزگە باسىڭىز. وعان قالاي جاقسى كورەتىنىڭىزدى ايتىڭىز. ءسىز ونىڭ اقىلدىلىعىن ماقتانىش تۇتاتىنىڭىزدى، ەگەر ول قاتەلىك جاساسا ەشتەڭە ەتپەيتىنىن، وندايدى جۇرتتىڭ ءبارىنىڭ دە جاسايتىنىن ايتىڭىز. ەگەر قاجەت بولسا ءسىز وعان قاشان بولسا دا كومەككە بارۋعا ۋادە بەرىڭىز. ەندى ءسابي تيپ-تيتتەي، بۇرشاقتاي عانا سابيگە اينالسىن. ونى ءوزىڭىزدىڭ جۇرەگىڭىزگە قويىڭىز. ول سول جەردەن ورىن السىن. ءسىز تومەن قاراعان كەزدە ونىڭ كىشكەنتاي سۇلباسىن كورىپ، ول ءۇشىن ۇلكەن مانگە يە بارلىق ماحابباتىڭىزدى بەرە الاسىز.
ەندى 4-5 جاستاعى ۇرەيلى جانە ماحابباتقا شولىركەگەن ءوز ماماڭىزدى كوز الدىڭىزعا ەلەستەتىڭىز. وعان دا قولىڭىزدى سوزىپ، ءسىز ونى قالاي جاقسى كورەتىنىڭىزدى ايتىڭىز. ەشقانداي جاعدايعا قاراماستان ونىڭ سىزگە ارقا سۇيەي الاتىنىن ايتىڭىز. ول تىنىشتالىپ، ءوزىن ءقاۋىپسىز سەزىنگەن كەزدە، ونى ءوزىڭىزدىڭ جۇرەگىڭىزگە ورنالاستىرىڭىز.
ال ەندى اكەڭىزدى 3-4 جاستاعى كىشكەنتاي بالا قىلىپ ەلەستەتىڭىز، ول دا بىردەڭەدەن قورقادى جانە قاتتى وكسىپ جىلاۋدا. ءسىز ونىڭ دەنەسىنە بۇرشاقتاپ قۇيىلىپ جاتقان كوز جاسىن كورەسىز. ءسىز ەندى جاس بالالاردى قالاي تىنىشتاندىرۋ كەرەك ەكەنىن بىلەسىز. ونى كەۋدەڭىزگە قىسىپ، دەنەسىندەگى ءدىرىلدى سەزىنىڭىز. تىنىشتاندىرىڭىز. ول ءسىزدىڭ ماحابباتىڭىزدى سەزىنسىن. ءسىز وعان ونىمەن بىرگە بولاتىنىڭىزدى ايتىڭىز. ونىڭ كوز جاسى كەپكەن كەزدە ول دا قۇرتىمداي بولسىن. ونى وزىڭىزبەن جانە ماماڭىزبەن بىرگە جۇرەگىڭىزگە ورنالاستىرىڭىز. ولاردىڭ بارلىعىن ءسۇيىڭىز، دۇنيەدە كىشكەنتاي بالاعا ماحابباتتان ارتىق قاسيەتتى ەشتەڭە جوق. ءبىزدىڭ جۇرەگىمىزدە كۇللى پلانەتانى ساۋىقتىرۋعا جەتەرلىك ماحاببات بار. ءبىراق، الدىمەن ءبىز ءوزىمىزدى ءوزىمىز ساۋىقتىرايىق. ءسىزدىڭ بارلىق تانىڭىزگە تاراپ جاتقان جىلىلىقتى، جۇمساقتىق پەن نازىكتىكتى سەزىنىڭىز. بۇل قىمبات سەزىم ءسىزدىڭ ءومىرىڭىزدى وزگەرتسىن.
كۇندەلىكتى ەڭبەك
مەن كۇندى ادەتتە بىلاي وتكىزەمىن: تاڭەرتەڭ ويانىپ، كوزىمدى اشار الدىندا قولىمداعى بارىما ريزاشىلىعىمدى بىلدىرەمىن. سۋعا شايىنىپ العاننان كەيىن مەديتاسيا جاساپ، جارتى ساعاتتاي قۇدايعا قۇلشىلىق ەتەمىن. سوسىن تاڭەرتەڭگىلىك گيمناستيكا (15 مينۋت). كەيدە مەن گيمناستيكانى ساعات التىداعى تاڭعى باعدارلامامەن بىرگە جاسايمىن. مەنىڭ تاڭعى اسىم جەمىستەر مەن شوپتەن جاسالعان شايدان تۇرادى. ماعان تاعام بەرگەنى ءۇشىن مەن تاعى دا جەر-اناعا العىس ايتامىن. لانچتىڭ الدىندا ايناعا بارىپ، جاتتىعۋ جاسايمىن؛ مىنا سوزدەردى داۋىستاپ ايتامىن نەمەسە ولەڭدەتەمىن:
لۋيزا، سەن كەرەمەتسىڭ، مەن سەنى جاقسى كورەمىن؛
بۇل مەنىڭ ومىرىمدەگى ەڭ تاماشا كۇن؛
سەنىڭ بىلگىڭ كەلگەن نارسەنىڭ ءبارى ساعان ءوزى كەلەدى؛
بارلىعى تاماشا.
ادەتتە، مەن لانچتا ۇلكەن سالات جەيمىن. جانە اسىما شۇكىرلىك ەتەمىن. كۇندىز ماقساتتار جازىلعان تاسپانى تىڭدايمىن. كەشكى اسقا بۋلانعان كوكونىستەر مەن كاشا جەيمىن. كەيدە تاۋىق نە بالىق جەيمىن. مەنىڭ دەنەمە بارىنەن دە قاراپايىم تاعامدار ءتيىمدى. كەشكە مەن وقيمىن نەمەسە جۇمىس جاسايمىن. ۇيىقتاۋعا جاتىپ، وتكەن كۇندى ويشا شولىپ وتەمىن دە وعان العىس بىلدىرەمىن. مەن تاماشا ۇيىقتايمىن جانە تاڭەرتەڭ كەرەمەت كۇن ءۇشىن تۇرامىن دەپ ايتامىن. ەرسىلەۋ ەستىلەدى، راس ەمەس پە؟
ال ءسىز ءوز كۇنىڭىزدى قالاي باستايسىز؟ تاڭەرتەڭ ءسىز تۇرعان كەزدە ءسىز نە ايتاسىز، يا ويلايسىز؟ تاڭەرتەڭ ويانىپ: «قۇدايىم-اي تاعى دا ويانۋ كەرەك. باسقا كۇن» دەپ ويلاعان ۋاقىتتار دا ەسىمدە. جانە قالاي ەلەستەتسەم تۋرا سولاي الدىمنان شىعاتىن. بىرىنەن كەيىن ءبىرى قاپتاعان كەساپاتتار. ءقازىر كوزىمدى اشار الدىندا جاقسى ءتۇسىم ءۇشىن جانە مەنىڭ ومىرىمدەگى بارلىق جاقسىلىقتار ءۇشىن العىسىمدى ايتامىن.
جۇمىس تۋرالى
تاڭداعان كارەرامىزعا كوڭىلىمىز تولماعاندا كەيبىرەۋلەرىمىز ۇنەمى بىلاي ويلايمىز:
مەن جۇمىسىما شىدامايمىن؛
مەن جۇمىسىمدى جەك كورەمىن؛
مەن جەتكىلىكتى اقشا تاپپايمىن؛
مەنى جۇمىستا باعالامايدى؛
مەن نە ىستەرىمدى بىلمەيمىن.
بۇل سىزگە كوپ زيان اكەلەتىن تەرىس ويلار. ەگەر وسىلاي ۇنەمى ويلاي بەرەتىن بولساڭىز ءسىز قالاي جاقسى جۇمىس تاپپاقشىسىز؟
بۇل پروبلەماعا سول جاعىنان كەلۋ دەپ اتالادى. ەگەر سىزدە ءقازىر ايتەۋىر ءبىر سەبەپپەن ۇنامايتىن جۇمىس، قىزمەت بولاتىن بولسا بىلاي ىستەۋ كەرەك: قازىرگى قىزمەتىڭىزگە راقمەت ايتۋدان باستاڭىز. بۇل ءسىزدىڭ جولىڭىزداعى قاجەتتى كەزەڭ. ءسىز ءقازىر ءوزىڭىزدىڭ ومىرلىك تانىمدارىڭىز جەتەلەپ اكەلگەن جەردە تۇرسىز. سوندىقتان دا جۇمىسىڭىزداعى بارلىق نارسەلەرگە: ءسىز جۇمىس ىستەيتىن عيماراتقا، ليفتىگە، بولمەگە، جيھازدار مەن قۇرال-جابدىقتارعا، ارالاساتىن ادامدارىڭىزعا راقمەت ايتۋدان باستاڭىز. ەگەر ءسىز بۇل جۇمىستان كەتكىڭىز كەلسە، وندا بۇل جۇمىستان يگى نيەتپەن كەتەتىنىڭىزدى جانە ونى وسى جۇمىستا ءوزىن باقىتتى سەزىنەتىن ادامعا بەرەتىنىڭىزدى ۇنەمى وزىڭىزگە ايتىپ ءجۇرىڭىز. شىندىعىندا دا كوپتەگەن ادامداردىڭ ءسىزدىڭ جۇمىستاعى يەلەنگەن ورنىڭىزعا ۇمتىلاتىنىن ءسىز ءبىلۋىڭىز كەرەك.
جۇمىسقا كىرىگۋ
«مەنىڭ مىنەزىم اشىق جانە مەنىڭ تالانتىم مەن مۇمكىندىكتەرىم پايدالانىلاتىن جۇمىستى قابىلداۋعا دايىنمىن. مەنىڭ بۇل جاڭا جۇمىسىم شىعارماشىلىق قابىلەتىمدى ىسكە اسىرادى جانە مەنى قاناعاتتاندىراتىن بولادى». ەگەر جۇمىستا الدەبىرەۋلەر ءسىزدىڭ مازاڭىزدى الاتىن بولسا، سول ادام تۋرالى ويلاعان سايىن وعان راقمەت ايتىڭىز. ءبىز وندايلاردى ءوزىمىز تاڭداماساق تا، ءبىزدىڭ ءارقايسىمىزدا ازداعان گيتلەر مەن يۋسۋس حريستوس بار ەكەنىن ءبىلۋ ماڭىزدى… ەگەر بۇل ادام سىنشىل كەلەتىن بولسا، ءسىزدى ماقتايتىن ادام ەسەبىندە، ال ەگەر ول قاتال بولاتىن بولسا، وندا ونى نازىك تە ءادىل ەتىپ كوزگە ەلەستەتىڭىز. ەگەر ءسىز ادامداردان تەك جاقسىنى كورسەڭىز، وندا ولار باسقالارمەن قالاي قارىم-قاتىناس جاساسا دا، تەك سىزگە عانا وزدەرىنىڭ تاماشا دا كەرەمەت قاسيەتتەرىن كورسەتەدى.
دەنە
ءبىزدىڭ دەنەمىزدەگى اۋرۋ دەپ اتالاتىن نارسەلەردى ءوزىمىزدىڭ تۋدىراتىنىمىزعا مەن سەنىمدىمىن. دەنە، ءبىزدىڭ ومىرىمىزدەگى باسقا دا نارسەلەر سياقتى – تانىمدارىمىزدىڭ تۋرا بەينەسى.
ءبىزدىڭ دەنەمىز بارلىق ۋاقىتتا دا بىزگە ايتادى – ەگەر ءبىز ونى تىڭداۋعا ۋاقىت تاپساق… دەنەمىزدەگى ءاربىر جاسۋشا ءبىزدىڭ ءاربىر ويىمىز بەن ءاربىر سوزىمىزگە ساي قيمىل جاسايدى. ويلاۋ مەن ءسوزدىڭ ۇزاققا سوزىلعان بەينەسى دەنە قالىبىن بەلگىلەيدى. مۇڭلى ءجۇزدى ادامدى مىندەتتى تۇردە كوڭىلسىز ويلار يەكتەيدى. بۇل جاعدايدا قارتتاردىڭ ءجۇزى قىزىعۋشىلىق تۋدىرادى. ولار - ءومىر بويعى ويلاۋ جۇيەسىنىڭ تۋرا بەينەسى. ءسىز قارتايعان كەزدە قالاي كورىنەسىز؟ بۇل كىتاپتا مەن مەتافيزيكالىق دياگنوز بەن كوپ اۋرۋدىڭ مەنتالدىق سەبەبىنىڭ ءتىزىمىن كەلتىرەمىن. بۇل شامامەن 90-95% دۇرىس.
باس ءبىزدىڭ ءوزىمىزدى بەينەلەيدى. بۇل ءبىزدىڭ دۇنيەگە كورسەتەتىن نارسەمىز. ءبىزدى باسىمىزدان تانيدى. باستا ءبىر نارسە دۇرىس بولماسا، ءبىزدىڭ وزىمىزدە ءبىر نارسەنىڭ دۇرىس بولماعانى.
شاش كۇش-قۋاتتى بىلدىرەدى. ءبىز قورىققان كەزدە ادەتتە يىق بۇلشىق ەتتەرىندە باستالىپ، سوسىن باسقا باراتىن، ال كەيدە كوزگە باراتىن «بولات بەلدىكتى» جاسايمىز. شاش شاش قاپشىقشالارى ارقىلى وسەدى. باس سۇيەگىنە سالماق سالعان كەزدە بۇل قاپشالار اۆتوماتتى تۇردە جابىلىپ، شاشتار سەمىپ، تۇسە باستايدى. ەگەر ۇنەمى سالماق ءتۇسىپ، باس سۇيەگى دەم المايتىن بولسا شاش ءوسۋىن توقتاتادى. ناتيجە – باستىڭ قاسقالانۋى. ايەلدەر شاشىنىڭ قاسقالانۋى ولاردىڭ «ىسكەر» ەرلەر الەمىنە ەنۋىنەن باستالادى. ءبىز ارينە، مۇنى اڭعارا بەرمەيمىز، سەبەبى، كوپتەگەن پاريكتەر تابيعي كورىنەدى.
قۇلاق ەستۋ جانە تىڭداۋ مۇمكىندىگىنە يە. ەگەر ادامنىڭ قۇلاعىنىڭ مۇكىستىگى بولاتىن بولسا، بۇل ونى ەستۋ مۇمكىندىگىنەن باس تارتقىزىپ تۇرعان ومىرىندەگى بولىپ جاتقان جاعدايعا بايلانىستى. قۇلاقتىڭ اۋرۋى – بۇل ءسىز ەستۋگە ءتيىستى نارسەگە بايلانىستى قوبالجۋدى بىلدىرەدى. بالالاردىڭ قۇلاعى ۇنەمى اۋىرادى. ولاردىڭ تىڭداعىسى كەلمەگەن نارسەنى ۇيدە ءجيى تىڭداۋىنا تۋرا كەلەدى. ءسابيدىڭ اشۋ بىلدىرۋىنە تىيىم سالىنادى، شىن مانىندە ولاردىڭ ءبىر نارسەنى وزگەرتۋگە دارمەنسىزدىگى قۇلاق اۋرۋىنا اكەپ سوعادى.
ساڭىراۋلىق ۇزاققا، مۇمكىن ءومىر بويىنا سوزىلاتىن، بىرەۋدى تىڭداۋعا دەگەن قۇلىقسىزدىقتى بلدىرەدى. كوڭىل اۋدارىڭىز: كەيدە ەستۋ اپپاراتىمەن جۇرگەن سەرىكتەستى كەزدەستىرسەك، ەندى ءبىرى اۋىز جاپپاي سويلەۋمەن بولادى …
كوز كورۋ مۇمكىندىگىن بىلدىرەدى. ەگەر كوزىڭىزگە بايلانىستى پروبلەما تۋىنداپ جاتسا، بۇل ادەتتە نە وزىڭىزدەگى نەمەسە ءوز ومىرىڭىزدەگى بىردەڭەنى كورۋدەن باس تارتۋدى بىلدىرەدى. مەن كوزىلدىرىك كيگەن بالالاردى كورگەن كەزدە ولاردىڭ ۇيلەرىندەگى ءبىر جايسىزدىقتى بىلەمىن: ولار تۋرا ماعىناسىندا نارسەلەردى كورۋدەن باس تارتادى. ەگەر ولاردىڭ ۇيدەگى جاعدايدى تۇزەۋگە كۇشى كەلمەسە، وندا ولار كوزدەرىن انىق كورۋ مۇمكىندىگىنەن ايىرۋ ءۇشىن جانارلارىن سەيىلتەدى.
باس اۋرۋى ءبىز ءوزىمىزدى تولىققاندى سەزىنبەگەن كەزدە بولادى. باسىڭىز اۋىرعان كەزدە ءبىر مينۋتقا توقتاپ، ءسىز ءوزىڭىزدى قاي جەردە قور سەزىنەسىز جانە نەلىكتەن سولاي ەكەنىن وزىڭىزدەن سۇراڭىز. بۇلاي سەزىنۋدەن قۇتىلۋ ءۇشىن وزىڭىزگە كەشىرىم جاساڭىز، سوندا ءسىزدىڭ باس اۋرۋىڭىز دا وزىنەن ءوزى جوعالادى.
باس ساقيناسى ومىردە ءمىنسىز بولعىسى كەلگەن جانداردا، سونداي-اق مىنا ومىرگە وكپەسى قارا قازانداي پەندەلەردە بولادى.
مويىن مەن تاماق وتە قىزىقتى. مويىن – بۇل ويلاۋ يكەمدىلىگىنە بەيىمدىلىك، ماسەلەنىڭ ەكىنشى جاعىن كورۋگە جانە باسقا ادامنىڭ كوزقاراسىن تۇسىنۋگە دەگەن بەيىمدىلىك. بىزدە مويىنعا بايلانىستى ماسەلەلەر تۋىنداپ جاتسا، بۇل ءبىزدىڭ قاسارىسىپ، يكەمدى بولۋدان باس تارتاتىنىمىزدى بىلدىرەدى.
القىم – بۇل ءبىزدىڭ نەنى قالاساق سونى سۇراۋ جانە وزىڭە قورعان بولۋعا دەگەن بەيىمدىلىگىمىزدى بىلدىرەدى. القىمعا بايلانىستى پروبلەما «قۇقىمىز جوق» دەگەن سەزىم مەن ءوز بويىڭداعى جەتىمسىزدىكتەردى سەزىنۋدەن تۋىندايدى.
اۋرۋ القىم – بۇل قاشان دا نارازىلىقتى بىلدىرەدى. ال ەگەر وعان سۋىق تيۋ قوسىلسا، بۇل وندا - ابىرجۋ. لارينگيت، ادەتتە، اشۋدان بۋلىعىپ سويلەي الماۋدى بىلدىرەدى. ودان باسقا القىم ءبىزدىڭ بارلىق تۆورچەستۆولىق ەنەرگيالارىمىز باعىتتالعان اعزا بولىگىن بىلدىرەدى. تاڭداي بەزدەرى مەن قالقان بەزدەرىنە بايلانىستى اۋرۋلار ءسىزدىڭ ىستەگىڭىز كەلگەن نارسەنى تۆورچەستۆولىق تۇرعىدا ىستەي الماعانىڭىزدان حابار بەرەدى. ءبىزدىڭ وزگەرىستەرىمىز بارىنەن بۇرىن سول تاماقتىڭ اۋماعىندا بولىپ جاتادى. ءبىز وزگەرىستەرگە قارسىلىق تانىتقان كەزدە، پروبلەما تاماعىمىزدا پايدا بولىپ جاتادى. ءبىزدىڭ كەيدە جوق جەردەن جوتەلەتىنىمىزگە كوڭىل ءبولىڭىز. نەمەسە باسقا بىرەۋ جوتەلە باستايدى. وسى ساتتە نە ايتىلادى؟ ءبىز نەگە كوڭىل بولەمىز؟ مۇمكىن بۇل قاسارىسۋ، قارسىلاسۋ نەمەسە ءبىزدىڭ وزگەرىستەر پروسەسىندە ەكەندىگىمىزدەن حابار بەرۋ؟
ارقا قولداۋ جۇيەسىن بىلدىرەدى. ارقاڭىزدا پروبلەمانىڭ بولۋى ءسىزدىڭ جەتكىلىكتى قولداۋدى سەزىنبەيتىنىڭىزدى كورسەتەدى. ءبىز جانۇيامىز بەن دوستارىمىز قولدايدى دەپ وتە ءجيى ويلايمىز. شىن مانىندە بۇل جاراتۋشى مەن ءومىردىڭ ءوزىنىڭ قولداۋى.
پروبلەمانىڭ ارقانىڭ جوعارعى بولىگىندە بولۋى - ەموسيونالدى قولداۋدىڭ جەتكىلىكتى بولماعانىن بىلدىرەدى: «مەنىڭ كۇيەۋىم (ناقسۇيەرىم، دوسىم) مەنى تۇسىنبەيدى جانە قولدامايدى». ارقانىڭ ورتاڭعى بولىگىنىڭ كىنالىلىك سەزىمىنە تىكەلەي قاتىسى بار. ءسىز ارتىڭىزعا تىعىلعان نارسەدەن نەمەسە ادامنان قورقاسىز با؟ سىزدە ارقاڭىزدان بىرەۋ ۇرعان سياقتى سەزىنۋ سەزىمى جوق پا؟
ءسىز ۇنەمى ءوز اقشالارىڭىز تۋرالى ويلايسىز با؟ ءسىزدىڭ قارجىلىق جاعدايىڭىز قالاي؟ ول ءسىزدىڭ ارقاڭىزدىڭ تومەنگى بولىگى پروبلەماسىنىڭ نەگىزى بولۋى مۇمكىن.
وكپە – بۇل ءومىردى الۋ جانە بەرۋ بەيىمدىلىگى. ادەتتە وكپە پروبلەماسى تولىققاندى ءومىر سۇرۋگە قۇلىقسىزدىقتان نەمەسە ودان قورقۋدان، نەمەسە ءبىزدىڭ بار كۇشىمىزبەن ءومىر سۇرۋگە قۇقىمىز جوق دەپ ەسەپتەگەننەن تۋىنداپ جاتادى. تەمەكىنى كوپ شەگەتىندەر، ادەتتە ءومىردى جوققا شىعارادى. ولار ماسكانىڭ استىنا وزدەرىنىڭ جەتىمسىزدىكتەرىن جاسىرادى.
ومىراۋ - انالىق بەينەسى. انالىق بەزدە پروبلەما بولعانى ءبىزدىڭ ءوز كوڭىلىمىزبەن باسقا ءبىر ادامدى، زاتتى نەمەسە جاعدايدى باسىپ تاستايتىنىمىزدى بىلدىرەدى. ەگەر كەۋدە قاتەرلى ىسىگى بولاتىن بولسا، بۇل وعان قوسىمشا قوردالانعان رەنىش پەن اشۋدى بىلدىرەدى. قورقىنىشتان بوسانىڭىز جانە ءبىزدىڭ ءارقايسىمىزدا كەڭىستىك ساناسى ارەكەت ەتەدى جانە ول بەلسەندى، سونى ءبىلىڭىز.
جۇرەك، ارينە ماحابباتتى، ال قان – قۋانىشتى بىلدىرەدى. ءبىزدىڭ ومىرىمىزدە ماحاببات پەن قۋانىش بولماسا جۇرەك قىسىلىپ، مۇزدايدى. ناتيجەسىندە قان جايلاپ ءجۇرىپ، ءبىز بىرتىندەپ قانى ازدىق پەن تامىرلار سكلەروزىنا، جۇرەك تالماسىنا ۇرىنامىز. ءبىز كەيدە ءوزىمىز جاساعان ءومىر دراماسىنا شىرمالاتىنىمىز سونشالىق، اينالامىزداعى قۋانىشتاردى اڭعارمايمىز. التىن جۇرەك، سۋىق جۇرەك، قارا جۇرەك، عاشىق جۇرەك – ال ءسىزدىڭ جۇرەگىڭىز قانداي؟
اسقازان بارلىق جاڭا يدەيالار مەن جاعدايلاردى قورىتىپ، بويعا سىڭىرەدى. نەنى نەمەسە كىمدى ءسىز «قورىتا» المايسىز؟ اسقازاندا پروبلەمانىڭ بولۋى بۇل جاڭا ومىرلىك جاعداياتتاردى قالاي مەڭگەرۋدى بىلمەۋدى بىلدىرەدى. بىزگە قورقىنىشتى. جولاۋشى ۇشاقتارىنىڭ ەندى ۇشا باستاعان كەزى ءبىزدىڭ كوپشىلىگىمىزدىڭ ەسىمىزدە. اسپانعا ۇشۋ يدەياسى ءبىز ءۇشىن جاڭالىق بولاتىن، جانە ءبىز ءۇشىن ونى ميعا قوندىرۋ وتە قيىن بولدى. ءبىز ءوزىمىزدى ناشار سەزىنگەن كەزدە قۇتقاراتىن پاكەتتەر ءاربىر ورىندىقتاردا تۇراتىن. ءقازىر، كوپ جىلداردان كەيىن، پاكەتتەر بۇرىنعىداي بەرىلەتىن بولسا دا، ونى ەشكىم پايدالانبايدى. ءبىز، اياعىندا، ۇشۋ يدەياسىن مەڭگەردىك.
اسقازان جاراسى – جاي قورقۋ، ءبىز جەتكىلىكتى تۇردە جاقسى ەمەسپىز نەمەسە تولىققاندى ەمەسپىز دەپ سەزىنۋدەن دە ۇلكەن. ءبىز ءوز اتا-انامىز، باستىقتار، مۇعالىمدەر ت.ب. الدىندا جەتكىلىكتى تۇردە جاقسى ەمەسپىز دەپ ويلايمىز. ءبىز ءوزىمىزدى قابىلداي المايمىز. ءبىز باسقالاردىڭ كوڭىلىنەن شىققىمىز كەلەدى. ءسىز جۇمىستا قانداي بيلىكتى يەلەنسەڭىز دە سىزدە مۇنداي پروبلەمانىڭ شەشىمى - ماحابباتتىڭ بولماۋى مۇمكىن. وزدەرىن جاقسى كورەتىن، قۇرمەتتەيتىن ادامداردا اسقازان جاراسى جوق. ىشكى سارايىڭىزداعى سابيگە مەيىرىمدى دە قامقور بولىڭىز (ءبىزدىڭ جاتتىعۋ ەسىڭىزدە مە؟) جانە ونى ۇنەمى قولداپ، قۇرمەتتەڭىز.
وتتەگى تاس جيناقتالعان اششى ويلاردى، جانە ولاردان ايىرىلۋعا كەدەرگى جاسايتىن كوكىرەكتىكتى بىلدىرەدى. كەلەسى جاتتىعۋدى جاساپ كورىڭىز، وزىڭىزگە ۇنەمى: «مەن وتكەنىمدى قۇلشىنا وتىرىپ بوساتامىن. ءومىر دە تاماشا، مەندە دە تاماشا».
قۋىقتاعى، تىك ىشەكتەگى، جىنىس ورگاندارىنداعى پروبلەمالار ءبىزدىڭ دەنەمىز بەن ولاردىڭ ورىندايتىن فۋنكسيالارى تۋرالى بۇزىق يدەيالاردىڭ سالدارىنان بولىپ جاتادى. ءبىزدىڭ دەنەمىزدىڭ ءاربىر مۇشەسى ء-ومىردىڭ ءوزىنىڭ كەرەمەت بەينەسى. ءبىز ءومىر لاس جانە كۇنالى دەپ ويلامايمىز عوي؟ وندا جىنىس مۇشەسى تۋرالى نەگە بۇلاي ويلايمىز؟ تىك ىشەك تە قۇلاق سياقتى تاماشا. ءبىز تىك ىشەكسىز شلاكتاردان بوسانا الماي تەز-اق ءولىپ قالعان بولار ەدىك. ءبىزدىڭ دەنەمىزدىڭ ءاربىر بولىگى جانە ونىڭ ورىندايتىن ءاربىر فۋنكسياسى قالىپتى، تابيعي جانە تاماشا. ءبىزدىڭ جىنىس ورگانىمىز تويات الۋىمىز ءۇشىن جارالعان. بۇل فاكتىنى جوققا شىعارۋ – دەمەك قينالۋ مەن جازالاۋدى تۋىنداتۋ. سەكس عاجاپ، ءبىز ءۇشىن سەكسپەن اينالىسۋ ىشىپ-جەۋ سياقتى قالىپتى جاي. ءبىر ساتكە جاراتىلىستىڭ شەكسىزدىگىن كوزىمىزگە ەلەستەتەيىك. بىزگە مۇندايدى كوزگە ەلەستەتۋ ءتىپتى، قيىن دا. ال كەڭىستىك ىشىندە كوپ گالاكتيكالار بار. كۇندى كوپ پلانەتالار اينالىپ جۇرەدى، ولاردىڭ اراسىندا جەر بار. بارلىق كەڭىستىكتى جاراتقان كۇشتىڭ – ءبىزدىڭ جىنىس مۇشەمىزدى باعىپ وتىرعان بۇلتتان بيىكتە وتىرعان شال ەكەنىن كوزىمىزگە ەلەستەتۋ ماعان وتە قيىن! دەگەنمەن دە ءبىزدى بالا كەزىمىزدە وسىلاي ۇيرەتتى. بىزگە بۇل اقىماقتىقتان ارىلۋ وتە ماڭىزدى. ءبىراق تا مەنى دۇرىس تۇسىنبەي قالماڭىز. مەن ەشقاشان كەز كەلگەنمەن بولاتىن ەركىن سەكستى ناسيحاتتامايمىن. ءبىزدىڭ ەرەجەمىزدىڭ كوبىسى ەسكىردى، سوندىقتان كوبىسى ولاردى بۇزىپ، ەكىجۇزدى بولا باستادى. ءبىز سانامىزداعى سەكسۋالدىلىق كىناسىن جويىپ، ادامداردى ءوزىن جانە باسقالاردى ءسۇيۋ مەن قۇرمەتتەۋگە ۇيرەتكەندە عانا ولار ەڭ جوعارعى – مەيىرىم مەن قۋانىشتىڭ اتىنان اۆتوماتتى تۇردە ءومىر سۇرە باستايدى. ءبىزدىڭ بارلىعىمىزدا دا، ءوزىمىزدى جەك كورۋ مەن وزىمىزدەن جيىركەنۋىمىزدىڭ اسەرىنەن سەكسۋالدىلىققا بايلانىستى پروبلەما وتە كوپ. سوندىقتان دا ءبىز وزىمىزگە دە، وزگەگە دە ناشار كوزقاراستامىز. مەكتەپتەردە سەكسۋالدى اعارتۋ جان جاقتى جۇرگىزىلمەيدى. ءبىز بالالارعا ولاردىڭ دەنەسى، جىنىس ورگاندارى جانە سەكسۋالدىلىعى قۋانىش ءۇشىن جاراتىلعانىن وتە تەرەڭ دەڭگەيدە ءتۇسىندىرۋىمىز كەرەك.
ۇرىق بەزى تۆورچەستۆولىق ەنەرگيانى بىلدىرەدى. ونداعى پروبلەما – جارىققا شىقپاعان تۆورچەستۆولىق بەيىمدىلىك.
اياق ءبىزدى ومىردە الىپ جۇرەدى. اياقتا پروبلەمانىڭ بولۋى العا جىلجۋ قورقىنىشىن نەمەسە بەلگىلى ءبىر باعىتقا بەت تۇزەۋگە قۇلىقسىزدىقتى بىلدىرەدى. اياعىمىز ءبىزدى تاسيدى، تارتادى، سۇيرەيدى، ال وندا سەمىز، ۇلكەن، بالالىق رەنىشتەرگە تولى سان تۇر. ارەكەت ەتۋگە قۇلىقسىزدىق اياقتىڭ پروبلەماسى ارقىلى بىلىنەدى. اياق كوك تامىرىنىڭ شىعۋى - ءسىز جەك كورەتىن ءۇي نەمەسە جۇمىس.
ءساتسىز وقيعا ءتىپتى دە «وقيعا» ەمەس. ومىرىمىزدەگى باسقا نارسەلەر سياقتى ولاردى دا ءوزىمىز جاسايمىز. وزىڭە: «مەنىڭ ءساتسىز وقيعاعا ۇشىراعىم كەلەدى» دەپ ءتىپتى دە ايتۋدىڭ قاجەتى جوق. ءبىز ءساتسىز وقيعانى وزىنە تارتاتىن وي تانىمى جۇيەسىن جاسايمىز. ءبىزدىڭ كەيبىرەۋلەرىمىزدە ۇنەمى بىردەڭەلەر بولىپ جاتادى، ال كەيبىرەۋلەر ءبىر سىزات تۇسپەي ءومىر سۇرەدى.
ءساتسىز وقيعا – بۇل نارازىلىق پەن رەنىشتىڭ كورىنىسى. ول ادامنىڭ ءوز سەزىمىن بىلدىرۋدەگى تىعىرىققا تىرەلۋى مەن تولىق دارمەنسىزدىگىنىڭ كورىنىسى.
ءساتسىز وقيعا – بۇل سونداي-اق وكىمەت وكىلدەرىنە قارسى تۇرۋ. ءبىزدىڭ اشۋلاناتىنىمىز سونشالىق بىرەۋلەردى ۇرعىمىز كەلەدى، ونىڭ ورنىنا ءوزىمىزدى ۇرامىز. ءبىز وزىمىزگە ءوزىمىز رەنجىگەن كەزدە، ءوزىمىزدى كىنالى سەزىنەمىز، ال وزىمىزگە جازا ىزدەگەن كەزدە، ول ءساتسىز وقيعا فورماسىندا كورىنىس تابادى. بىلاي قاراعاندا ءبىز ءساتسىز وقيعانىڭ كىناسىز قۇرباندارىمىز. ءساتسىز وقيعا ءبىزدىڭ باسقالاردىڭ كومەگى مەن كوڭىل ءبىلدىرۋىن قابىلداۋىمىزعا جاعداي جاسايدى. جارامىزدى جۋىپ، ءبىزدى كۇتەدى، ءبىزدىڭ توسەك تارتۋىمىزعا تۋرا كەلەدى، كەيدە بۇل ۇزاق جىلدارعا سوزىلادى. ءبىز اۋىرىپ ىڭقىلدايمىز. اۋرۋ ارقىلى دەنەمىز بىزگە ومىردە ءبىزدىڭ نەگە باسا كوڭىل ءبولۋىمىز قاجەت ەكەنىن بىلدىرەدى. اۋرۋدىڭ مولشەرى ءبىزدىڭ قانشالىقتى ءوزىمىزدى جازالاعىمىز كەلگەنىن كورسەتەدى. ريەۆماتيزم - ءوزىن جانە وزگەلەردى ۇنەمى سىناۋدان پايدا بولاتىن اۋرۋ. ونىمەن اۋىراتىن ادامدار كوبىنەسە ولاردى ۇنەمى سىنايتىن ادامداردى وزىنە تارتادى. بۇل باسقالاردى ۇنەمى سىناۋ كەرەك دەيتىن ولاردىڭ ءوز تانىمدارىنان تۋىنداپ جاتادى. ولارداعى قارعىس – بۇل قانداي جاعدايدا دا سۇيگەن ادامىنىڭ ۇنەمى «ءمىنسىزى» بولۋ تىلەگى. ولاردىڭ جۇگى ادام توزگىسىز اۋىر.
دەمىكپە. دەمىكپەسى بار ادامعا ونىڭ دەمالۋعا قۇقى جوق سياقتى بولىپ كورىنەدى. دەمىكپەسى بار بالالار – بۇل ۇياتى قاتتى دامىعان بالالار. ولار بارلىعى ءۇشىن كىنانى وزىنە قابىلدايدى. كەيدە ولارعا ەگەر بارلىق جانۇياسى بىرگە كوشپەسە دە، تۇرعىلىقتى جەردى وزگەرتۋ دە جاقسى كومەكتەسەدى. ادەتتە دەمىكپەسى بار بالالار اۋرۋدان ايىعادى. بۇعان مەكتەپ، ومىرلىك جاڭا جاعدايلار، نەكە ىقپال ەتەدى. ءبىراق تا، كەيىن ومىردە دەرت قوزعان كەزدە، بىرەۋ تۇيمەنى باسىپ قالعانداي بولعان جاعدايلار ءجيى قايتالاندى.
قاتەرلى ىسىك – تەرەڭ قوردالانعان رەنىشتەردىڭ اسەرىنەن بولاتىن، شىن مانىندە دەنەنى جەگىدەي جەيتىن اۋرۋ. بالالىق شاقتا ءبىزدىڭ ومىرگە دەگەن سەنىمىمىزدى ۇزەتىن بىردەڭە بولادى. بۇل جاعداي ەشقاشان ۇمىتىلمايدى دا، ادام وزىنە ۇلكەن اياۋشىلىق سەزىمىمەن ءومىر سۇرەدى. وعان كەيدە ۇزاق تا بايىپتى قارىم-قاتىناستا بولۋ قيىنعا سوعادى. ءومىر بۇنداي ادامدار ءۇشىن شەكسىز تۇڭىلۋلەردەن تۇرادى. تىعىرىققا تىرەلۋ مەن ۇمىتسىزدىك سەزىمى ونىڭ ساناسىن جاۋلاپ الادى، ءوزىنىڭ پروبلەمالارىنا بايلانىستى وزگەلەرگە كىنا ارتۋ ول ءۇشىن الدەقايدا جەڭىل. قاتەرلى ىسىكپەن اۋىراتىن ادامدار وزىنە وتە سىنشىل بولىپ كەلەدى. ءوزىم جۇرە كەلە قالىپتاستىرعان تاجىريبەمدە كوزىمنىڭ جەتكەنىندەي، قانداي قالىپتا بولسا سول قالىپتا ءوزىڭدى قابىلداي ءبىلۋ مەن ءوزىڭدى جاقسى كورە ءبىلۋ قاتەرلى ىسىك اۋرۋىنان ايىقتىرادى.
ارتىق سالماق – قورعانىسقا قاجەتتىلىكتەن باسقا ەشتەڭە ەمەس. ءبىز اۋرۋدان، سىننان، سەكسۋالدىلىقتان، قورلاۋدان قورعانۋدى ىزدەيمىز. ۇلكەن تاڭداۋ، سولاي ەمەس پە؟ مەن ەشقاشان سەمىز بولعان ەمەسپىن، ءبىراق مەنىڭ ءوز تاجىريبەمنەن كوزىم جەتكەنى – مەن ءوزىمدى باتىلسىز نەمەسە ءالسىز سەزىنگەن كەزدە مەن اۆتوماتتى تۇردە بىرنەشە كيلوگراممعا سەمىرە باستايمىن. ءقاۋىپ سەيىلگەن كەزدە، اۋىر سالماق تا جوعالادى. الەممەن كۇرەس – كۇش-قۋات پەن ۋاقىتتى بوسقا شىعىنداۋ. ءسىز قالاي قارسىلاسۋدى توقتاتاسىز، سولاي ءسىزدىڭ سالماعىڭىز قالىپقا تۇسەدى. وزىڭە، ءومىر پروسەسىنىڭ وزىنە سەنۋ، جامان ويلاردان اۋلاق بولۋ – مىنە ارىقتاۋدىڭ ءادىسى.
مەنىڭ ويىمشا ءارتۇرلى نەگىزدەگى اۋرۋ – كىنالى سەزىنۋدىڭ ايعاعى. ال كىنا ءارقاشاندا جازالاۋدى ىزدەيدى، ال جازالاۋ ءوز كەزەگىندە اۋرۋدى تۋدىرادى. سوزىلمالى اۋرۋ كەيدە ءبىزدىڭ ءوزىمىز دە بىلمەيتىن وزىمىزدە تەرەڭ كومىلگەن سوزىلمالى كىنالى سەزىنۋدەن پايدا بولادى. كىنا – پايداسىز سەزىم. بۇل سەزىم ەشكىمگە ەشقاشان كومەكتەسپەيدى، ول جاعدايدى وزگەرتۋگە دارمەنسىز. سوندىقتان دا ءوزىڭدى اباقتىدان بوسات.
وپەراسيا (كەز كەلگەن). حيرۋرگتىڭ ارالاسۋى، مىسالى، قول-اياق جاراقاتى بولعان كەزدە ادام جازىلۋعا كوڭىل اۋدارۋ ءۇشىن جانە سونىڭ ەندى قايتالانباۋىن بولدىرماۋ ءۇشىن قاجەت. بۇگىندە مەديسينا سالاسىندا ادامدارعا كومەكتەسۋگە وزدەرىن تولىعىمەن ارناعان دارىگەرلەر وتە كوپ. دارىگەرلەر حولەستيكالىق تاسىلدەردى كوبىرەك پايدالانا وتىرىپ ەمدەۋ جاساي باستادى. سوندا ءبىزدىڭ دارىگەرلەر
پىكىر قالدىرۋ