QR Bilim jáne ǵylym mınıstri Erlan Saǵadıev Shymkentte bosanǵan  13 jastaǵy qyz jaıly aıtty. Bul jaıynda Tengrinews.kz jazady.

— Mundaı oqıǵalar bolǵan. Aldaǵy ýaqytta taǵy bolýy múmkin. Mınıstrliktiń mindeti — osy tektes oqıǵalardy azaıtý. Biz memlekettik emes uıymdarmen kezdesý ótkizip, QR BǴM aımaqtardaǵy balalar quqyǵyn nyǵaıtýǵa baılanysty atalǵan jaǵdaımen kúres júrgizýdi talqyladyq, - dedi mınıstr.

Erlan Saǵadıevtiń aıtýynsha, bul máseleni talqylaý úshin birneshe shara jolǵa qoıylǵan.

— Sharalardyń basym bóligi  shyǵyndy, arasynda kóp shyǵynǵa ushyramaı atqarylatyn ister bar. Atalǵan jaǵdaılardy azaıtý úshin memlekettik emes uıymdardy biriktirip, bilim berý aınalasyna shoǵyrlandyryp jatyrmyz. Munyń barlyǵy kóp jaǵdaıda otbasy men mektepterge, mekteptegi jaǵdaıǵa baılanysty.  QR BǴM júıeli túrde jumys istep jatyr. Bizdiń aıtqanymyz barlyq mektepke qatysty, - dedi Erlan Saǵadıev. 

Aıta keteıik, Shymkentte 13 jastaǵy 7-synyptyń oqýshysy bosandy. Sábıin 22 sáýirde dúnıege ákelgen.