ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى ا.مىرزاحمەتوۆ سەلەكتورلىق رەجيمدە شىعىس قازاقستان وبلىسى اۋىل شارۋاشىلىعى سالاسىنىڭ جاي-كۇيى مەن پروبلەمالىق ماسەلەلەرىن قارادى، - دەپ حابارلايدى Qamshy.kz اشم باسپا ءسوز قىزمەتىنە سىلتەمە جاساپ.

ۆەدومستۆانىڭ باسشىلىق قۇرامىمەن بىرگە وسىمەن سەگىزىنشى ءوڭىردىڭ اگرارلىق دامۋ الەۋەتتەرىن تارازىلاعان مينيستر كوپشىلىك سۇراۋىنا وراي جايىلىمدىق مال شارۋاشىلىعى ماماندارىن ىنتالاندىرا ءتۇسۋ ءۇشىن جۇمىس وتىلىنە قاراي بيۋدجەت ەسەبىنەن تولەم قاراستىرۋ مەن ولارعا تۇرعىن ءۇي سالۋ، سونداي-اق، ارنايى جانە جوعارى جوو-دا بالالارىنا گرانتتار ءبولۋ ماسەلەلەرىن ءسوز ەتتى.

«جايىلىمدىق مال شارۋاشىلىعى، ونىڭ ىشىندە، قوي شارۋاشىلىعى ەلدى مەكەندەردەن جىراقتا، ءتيىستى الەۋمەتتىك-تۇرمىستىق شارتتارسىز، قيىن جاعدايدا جۇرگىزىلەدى. سوندىقتان دا، بۇل سالانى كادرمەن قامتۋ جانە ىرىكتەۋ ماسەلەسى وتكىر تۇر. ءوز كەزەگىندە، ءبىزدىڭ مينيسترلىك احۋالدى وڭعاراتىن بارلىق باستامالاردى قولدايدى جانە تۇيتكىلدى دەنساۋلىق ساقتاۋ جانە الەۋمەتتىك دامۋ مينيسترلىگىمەن بىرلەسىپ شەشەتىن بولادى»، - دەپ اتاپ ءوتتى ا.مىرزاحمەتوۆ.

بۇل ورايدا، وبلىستاعى اۋىل شارۋاشىلىعى ونىمدەرىنە قوسىلعان قۇن سالىعى ماسەلەسى دە قوزعالدى.

ايماق وكىلدەرىنىڭ مالىمدەۋىنشە، قازىرگى ۋاقىتتا ءوندىرىس كولەمىن ساقتاۋ مەن تاماق ونىمدەرىن ساتۋ ءۇشىن 50% شەگىندە ققس (12%)  تومەندەتۋ نەمەسە مولشەرلەمەسىن 6%-عا دەيىن جەتكىزۋ كەرەك.

الايدا، اۋىل شارۋاشىلىعى وكىلدەرى سالىق سالۋ ماسەلەسىنىڭ ۇلتتىق ەكونوميكا مينيسترلىگىنىڭ سالىقتىق-كەدەن كودەكسى جۇمىس توبىنىڭ وتىرىسى اياسىندا قارالاتىنىن اتاپ ءوتتى. سوعان قاراماستان، مينيسترلىك بارشا قۇزىرلى ورگاندارعا ساۋال جولداپ، سۇراۋ سالاتىن بولادى.

سونىمەن قاتار، قاتىسۋشىلار بيۋدجەت قاراجاتىن جالپى سيپاتتاعى ترانسفەرتتىك باعدارلامالار اياسىندا قولدانۋدى جەتىلدىرۋدىڭ جولدارىن تالقىعا سالىپ، ءبىرقاتار ورتاق شەشىمدەرگە كەلدى جانە جاۋاپتى سالا جەتەكشىلەرىشقو اۋىل شارۋاشىلىعى قۇرىلىمدارى تۇزگەن ماسەلەلەر تىزبەسى بويىنشا مينيستردەن تاپسىرمالار الدى.

ايتا كەتەيىك، جيىنعا اۋىل شارۋاشىلىعىنىڭ ۆيسە-مينيسترلەرى مەن ۆەدومستۆالىق كوميتەتتەر مەن دەپارتامەنتتەر باسشىلارى، شقو اكىمىنىڭ ورىنباسارى مەن اۋىل شارۋاشىلىعى قۇرىلىمدارىنىڭ قىزمەتكەرلەرى جانە دە «قازاگرو» ۇلتتىق باسقارۋشى حولدينگى» اق ەنشىلەس ۇيىمدارىنىڭ وكىلدەرى قاتىستى.