اتىراۋدا وبلىستىق پروكۋراتۋرا عيماراتىنىڭ الدىندا وبلىس پروكۋرورىنىڭ بۇرىنعى كومەكشىسى لەيلا سمادياروۆا ءوزىن-وزى ورتەدى  دەپ حابارالايدى "اق جايىق".

دەرەككوزدىڭ مالىمەتىنشە، وقيعا 31 قاڭتاردا تۇسكى ۋاقىتتا بولعان. 37 جاستاعى سمادياروۆا وبلىستىق اۋرۋحاناعا بەت جانە اياق كۇيىگىمەن تۇسكەن. دارىگەرلەر ونىڭ جاعدايىن "اۋىر ەمەس" دەپ باعالاپ وتىر. ول ەسىن بىلەدى. "ەشكىممەن سويلەسكىسى كەلمەي وتىرعان ناۋقاستىڭ مورالدىق جاعدايىن ەسەپكە الا وتىرىپ، ءبىز ونى ۋاقىتشا وقشاۋلادىق"، - دەدى وبلىستىق اۋرۋحانانىڭ باس دارىگەرىنىڭ ورىنباسارى الۋادين نۇربەردييەۆ.

ەسكە سالايىق، اتىراۋ وبلىسى پروكۋرورىنىڭ بۇرىنعى كومەكشىسى 2016 جىلدىڭ تامىزىنان بەرى ءۇيقاماقتا بولعان. ول ۇستالعانداردىڭ، قاماۋعا الىنعانداردىڭ جانە قىلمىستىق جازا وتەپ جاتقانداردىڭ قۇقىقتارىن ساقتاۋ سالاسىندا جۇمىس ىستەگەن. ول ق ر قىلمىستىق كودەكسىنىڭ 366-بابىندا ("پارا الۋ") قاراستىرىلعان قىلمىس جاسادى دەگەن كۇدىككە ىلىنگەن. سمادياروۆا وزىنە تاعىلعان ايىپتارمەن كەلىسپەي، جالا جابىلدى دەيدى.