شىمكەنتتە 46 جاستاعى كىسى ەسىرتكىمەن ۇستالدى. ونى قالا كوشەلەرىندە شۇعىل ىزدەستىرۋ وپەراسياسىن جۇرگىزگەن ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى قولعا ءتۇسىرىپ وتىر، otyrar.kz.
ەسىرتكى زاتىن ساتۋى مۇمكىن دەگەن كۇدىكتىنىڭ ءۇيىن ءتىنتۋ بارىسىندا پوليسەيلەر پوليەتيلەن قالتاعا سالىنعان شوپتەسىن زاتتى تاۋىپ الدى. سوت-كريميناليستيكالىق ساراپتاما ناتيجەسىندە بۇل زاتتىڭ سالماعى 17 گرامنان اساتىن ماريحۋانا ەكەنى انىقتالىپ وتىر.
قازىرگى تاڭدا بۇل فاكتى سوتقا دەيىنگى ءبىرىڭعاي تىزىلىمگە تىركەلىپ، ەسىرتكى زاتىن زاڭسىز دايىنداۋ، ساقتاۋ، الىپ ءجۇرۋ جانە ساتۋ ارەكەتىنە بايلانىستى قىلمىستى كودەكستىڭ 297 بابىمەن ءىس قوزعالدى. كۇدىكتى قاماۋدا جاتىر. سوتقا دەيىنگى تەرگەۋ امالدارى جالعاسۋدا.
