"قازاقستان حالىق بانكى" اق جانە "قازكوممەرسبانك" اق بانكوماتتىق جەلىلەردى بىرىكتىرۋ ۇدەرىسىن باستادى: 10-شىلدەدەن باستاپ Halyk جانە Qazkom كارتالارىن ۇستاۋشىلار ءۇشىن بانكوماتتان قولما-قول اقشا الۋ كەزىندەگى قوسىمشا كوميسسيالاردىڭ الىنۋى توقتاتىلادى. ەندى Halyk جانە Qazkom كليەنتتەرى بىرىككەن بانكوماتتار جەلىسىندە قوس بانكتىڭ كەز كەلگەن بانكوماتىنان قولما-قول اقشا الاردا ەشقانداي ايىرماشىلىق كورمەيدى دەپ حابارلايدى قامشى اقپاراتتىق اگەنتتىگى.

2017 جىلعى 1 ماۋسىمداعى كورسەتكىش بويىنشا، حالىق بانكىنىڭ بانكوماتتار جەلىسى 2367 قۇرىلعىنى ۇسىنىپ وتىر، سونىڭ ىشىندەگى 559 بانكوماتتىڭ cash-in فۋنكسياسى بار، قازكوممەرسبانكتىڭ بانكوماتتار جەلىسى 2292 قۇرىلعىنى قۇرادى، ولاردىڭ 465-ىندە قولما-قول اقشا قابىلداۋ فۋنكسياسى جابدىقتالعان. قازىرگى تاڭدا حالىق بانك 6 ملن كارتا ۇستاۋشىلارعا قىزمەت كورسەتسە، ال قازكوممەرسبانكتە – 2 ملن استام، قازاقستاننىڭ ەكونوميكالىق بەلسەندى ازاماتتارىنىڭ كوپشىلىگى ەكى بانكتىڭ بىرىكتىرگەن بانكوماتتار جەلىسىنىڭ ارتىقشىلىقتارىن پايدالانا الادى. ايتا كەتەيىك، قازاقستانداعى ءاربىر ەكىنشى بانكومات Halyk+Qazkom بانكوماتتار جەلىسى بولىپ تابىلادى.

قولما-قولسىز تولەمدەر نارىعى بەلسەندى تۇردە دامىپ جاتقاندىعىنا قاراماستان، قاراجاتتى بانكومات ارقىلى قولما-قول اقشاعا اينالدىرۋ قازاقستانداعى ەڭ تانىمال بانكتىك وپەراسيالاردىڭ ءبىرى بولىپ تابىلادى. رەسمي ستاتيستيكا[1] بويىنشا، تەك 2017 جىلعى ءساۋىر ايىندا عانا  قازاقستاندىقتار 683،2 ملرد تەڭگەگە وسى سىندى 17،6 ملن ترانزاكسيانى جۇرگىزگەن.