قازىرگى تاڭدا وبلىستاعى 21 كاسىپورىن وزدەرىنىڭ ونىمدەرىن تۇراقتى تۇردە ەكسپورتقا شىعارىپ كەلەدى. ونىڭ ىشىندە ورتا ازيادا تەڭدەسى جوق «ورداباسى قۇس» ءجشس-نىڭ «ۇندىك ەتىن ءوندىرۋ جانە قايتا وڭدەۋ جوباسى». اتالعان كاسىپورىن 2010 ج. ەلباسىنىڭ قاتىسۋىمەن تىكەلەي تەلە - كوپىر رەجيمىندە ىسكە قوسىلدى. كاسىپورىننىڭ جىلدىڭ قۋاتتىلعى 10 مىڭ توننا 50 ءتۇرلى اسسورتيمەنتى دايىن ءونىم شىعارادى. ونىڭ ونىمدەرىنىڭ 40 پايىزى ەۋرازيالىق وداق ەلدەرىنە ەكسپورتتالۋدا. قازىرگى تاڭدا كاسىپورىن قۋاتتىلىعىن جىلىنا 20 مىڭ توننا ونىمگە ارتتىرىپ، ورتالىق ازيا، ەۋروپا ەلدەرىنە، اۋعانىستانداعى ناتو كونتينگەنتىنە ەكسپورتتاۋدى كوزدەپ وتىر.
استىقتى تەرەڭ وڭدەۋ جانە كونديتەرلىك ونىمدەر شىعارۋ سالاسىندا «بارىس 2007» ج ش س، «التىن ءدان» ج ش س، «داني نان» ج ش س، «اتامەكەن» ج ش س، «MILLER & K» ج ش س، «اق نان» ج ش س، «اراي» ج ش س، «راحات شىمكەنت» ج ش س سەكىلدى ءىرى جانە ورتا كاسىپورىندار اشىلدى.
مايلى داقىلداردى قايتا وڭدەۋ سالاسىندا قۇرىلعان «شىمكەنت ماي» ج ش س، «اراي» ج ش س سەكىلدى مەكەمەلەردە كۇنباعىس، ماقتا، ماقسارى، سويا، قىشا، زىعىر، راپس داقىلدارىن تەرەڭ وڭدەۋ تەحنولوگياسى يگەرىلگەن.
بالىق ونىمدەرىن وندىرەتىن «حاميت» وندىرىستىك كووپەراتيۆى بالىق فيلەسىن، كونسەرۆىلەنگەن بالىق ونىمدەرىن شىعارۋدا.
اتالعان كاسىپورىندار ءوز ونىمدەرىن ورتالىق ازيا ەلدەرى مەن گەرمانيا، گرۋزيا، رەسەي، ۋكراينا، ەلدەرىنە ەكسپورتتاۋدا.
سونىمەن قاتار، وڭىرىمىزدە وسىرىلەتىن باۋ-باقشا، كوكونىس جانە جەمىس-جيدەك ونىمدەرى لاتۆيا، ليتۆا، گەرمانيا، ەستونيا، سەكىلدى ءبىرقاتار ەۋروپا ەلدەرىنە، سونىمەن قاتار رەسەي، گرۋزياعا ەكسپورتقا شىعارىلۋدا.
ونىڭ ىشىندە وندىرىستىك جىلىجايلار «ادەليا» شارۋا قوجالىعى (16 گا)، «كازاگرونوم» ج ش س (3 گا)، «يفتيكاري» شارۋا قوجالىعى (2 گا) جىلىجاي شارۋاشىلىقتارىن دامىتۋعا قارقىندى ۇلەسى قوسۋدا.
سوڭعى جىلدارى وڭىرىمىزدە ينتەنسيۆتى باۋ جانە ءجۇزىم شارۋاشىلىقتارىن دامىتۋدىڭ ارقاسىندا يمپورت كولەمىن 40 % دەيىن تومەندەتۋگە قول جەتكىزىلدى. بۇگىنگى كۇنى ينتەنسيۆتى باۋدىڭ كولەمى 2100 گا. قۇرايدى.
وبلىستاعى ەت ءوندىرۋ سالاسى قارقىندى دامۋدا. «قايىپ اتا» ج ش س، «ەت-اگرو مانكەنت» وندىرىستىك كووپەراتيۆتەرىندە شىعارىلعان ەت ونىمدەرى وزبەكىستان، جۇڭگو، بىرىككەن اراب امىرلىكتەرىنە جانە ءىقم تەرىلەرى قىتايعا ەكسپورتتالادى.
قازىرگى تاڭدا، قوي ەتىن يران، يراك، ساۋد اراۆيا ەلدەرىنە ەكسپورتتاۋ بويىنشا كەلىسسوزدەر جۇرگىزىلۋدە.
