ەلىمىز ەگەمەندىگىن العاننان كەيىن قازاقستان رەسپۋبليكاسى پرەزيدەنتىنىڭ باستاماسىمەن ءبىرقاتار ەكونوميكالىق رەفورمالار جۇزەگە اسىرىلدى. سول ەلىمىزدى رەفورمالاۋ باعىتىنداعى بىردەن-بىر نەگىزگى كەزەڭدەردىڭ ءبىرى مەملەكەتتىك مەنشىكتى جەكەشەلەندىرۋ جانە مەملەكەت يەلىگىنەن الۋ باعدارلاماسى بولدى.   

جەكەشەلەندىرۋدىڭ وسى كەزدەگى تولقىنى نارىقتىق ەكونوميكانىڭ نەگىزدەرىن بەرىك ەتۋ ماقساتىندا جۇرگىزىلۋدە، جانە وسى باعدارلامانىڭ نەگىزگى يدەياسى – ەلدىڭ جەكە بيزنەسىنىڭ ودان ءارى دامۋىنا سەرپىن بەرۋ.

جەكەشەلەندىرۋ باعدارلاماسىنىڭ ماقساتى بيزنەسكە مەملەكەتتىڭ قاتىسۋ ۇلەسىن قىسقارتۋ بولىپ تابىلادى. بۇل وعان جەكە سەكتور ۇلەسىن ۇلعايتۋ ەسەبىنەن ەكونوميكانىڭ نەگىزدەرىن كۇشەيتۋگە باعىتتالعان مەملەكەت ساياساتىمەن  ءوزارا بايلانىستى.  مەملەكەتتىك مەنشىكتىڭ ۇلەسى 2020 جىلعا دەيىن ەىدۇ ەلدەرىنىڭ دەڭگەيى – ءجىو 15%-نا دەيىن جەتكىزىلۋگە ءتيىس. 

مەملەكەت باسشىسى ءوزىنىڭ «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» اتتى قازاقستان حالقىنا ارناعان جولداۋىندا «بۇگىندە تۇراقتى ەكونوميكالىق ءوسىمدى قامتاماسىز ەتۋ ءۇشىن ىشكى رەسۋرس­تاردى بارىنشا بوساتۋدىڭ ماڭىزى زور. ول ءۇشىن ءبىز ەكى ءتيىمدى قۇرالدى – كەڭ اۋقىمدى جەكەشەلەندىرۋدى جانە باسەكەلەستىكتى ۇلعايتۋدى پايدالانۋعا ءتيىسپىز» دەپ اتاپ وتكەن بولاتىن. اتالعان تاپسىرمانى ىسكە اسىرۋ ءۇشىن ۇكىمەت «جەكەشەلەندىرۋدىڭ 2016-2020 جىلدارعا ارنالعان جاڭا كەشەندى جوسپارىن» قابىلدادى.

جەكەشەلەندىرۋدىڭ ەكىنشى تولقىنى شەڭبەرىندە وبلىس كولەمىندە 37 نىسان، ونىڭ ىشىندە قالا بويىنشا 8 ۇيىم جەكەشەلەندىرىلۋى ءتيىس بولاتىن. اتاپ ايتقاندا، «جامبىل-تاراز» گازەتىنىڭ رەداكسياسى» ج ش س (10%)، «تاراز تۇرعىن ءۇي»  ج ش س (51%)، «جاسىل ەل-تاراز»  ج ش س (51%)، «ورتالىق ديسپەچەرلىك قىزمەت» ج ش س (51%)، «راۋان» بالالار ساۋىقتىرۋ لاگەرى» مكقك جانە «بولاشاق» بالالار ساۋىقتىرۋ لاگەرى» مكقك (مۇلىكتىك كەشەن)،«تارازقۇرىلىسپروەكت» ج ش س (49%)، «ورتالىق ديسپەچەرلىك قىزمەت» ج ش س(49%).

بۇگىندە باسەكەلەس ورتاعا بەرۋدىڭ مەجەلەگەن جوسپارى تولىعىمەن ورىندالىپوتىر.

جەكەشەلەندىرۋ – جاپپايساتۋناۋقانىەمەس. سانالىتۇردەسارالانعان سالا ەكونوميكاعاسال دە بولسىنپايدااكەلۋىشارت. 

قازىرگى مەملەكەتتىك مەنشىكتى جەكەشەلەندىرۋ ءۇردىسى ءوزىنىڭ تيىمدىلىگى جايلى كوپ ساۋال تۋعىزادى. جۇرتتىڭ كوبىسى ول ءىس-شارانىڭ پايداسى بار ما جانە ول نەدە دەپ سۇرانادى.

كاسىپكەرلىك ءۇشىن ءبىرقاتار كورىنىس ءونىمدى بولا الادى.

بىرىنشىدەن، جەكە كاسىپكەرلىك نارىعى مەملەكەت وعان بىرنەشە ەكونوميكا سەكتورلارىن بەرگەندىكتەن وسەدى. ەگەر بۇرىن مەملەكەتتىك كاسىپورىندار مەملەكەتتىك تاپسىرىس الاتىن بولسا، ولار جەكە كاسىپورىندارمەن باسەكەلەستىكتە ءاردايىم جەڭەتىن. وسى تەڭسىزدىكتى جويۋ قازاقستاننىڭ جەكە كاسىپكەرلىكتەرىنىڭ ەكونوميكاسىن ىلگەرىلەتەدى.

ەكىنشىدەن، جەكەشەلەندىرۋمەن قاتار كاسىپكەرلىكتى جانە ونىڭ مەنەدجمەنتىن باسقارۋدىڭ يننوۆاسيالىق ادىستەرىن قولدانۋعا بولادى.

ۇشىنشىدەن،  كاسىپكەرلەر ءۇشىن ينۆەستيسيالاۋدىڭ كوپتەگەن جاڭا باعدارلارىنىڭ مۇمكىندىكتەرى اشىلادى.

تورتىنشىدەن، قىزمەتتەردىڭ كولەمدەرى مەن تۇر-تۇرلەرى وسەدى، ال ول وتە ماڭىزدى.

البەتتە، وسىمەن قاتار، وسى ارتىقشىلىقتاردان حالىق ءۇشىن پايدالى باستامالار تۋىندايدى. ناتيجەسىندە قوعام، ساپاسى مەن ءار تۇرلىلىگى كەڭ، ال باعاسى باسەكەلەستىك ارقاسىندا ازايعان قىزمەتتەر الادى.

سونىمەن قاتار، الەۋمەتتىك ماڭىزدى كومپانيالار بەلگىلى ءبىر شارتپەن ساتىلادى – ونى ساتىپ الۋشى جۇمىس ورنىن ساقتاپ، كومپانيانىڭ سالالىق قىزمەتى مەن الەۋمەتتىك ماسەلەلەر بويىنشا مىندەتتەمەسىن ءوز موينىنا الۋى ءتيىس.

تاراز قالاسى اكىمدىگىنىڭ قارجى ءبولىمىنىڭ باسشىسى ج.پارىمبەكوۆ