مەملەكەت پەن قوعامدى ۇيىمداستىرۋشى كۇشتىڭ بىرەگەيى – مەملەكەتتىك ءتىل. تاۋەلسىزدىك العان جىلدار ىشىندە مەملەكەتتىك ءتىلىمىز دە ەلمەن بىرگە جەتىلىپ، قولدانىس اياسى كەڭەيە ءتۇستى. ونىڭ ءاربىر ساتىسىنان ەلباسىنىڭ قولتاڭباسىن كورۋگە بولادى. «بولاشاققا باعدار: رۋحاني جاڭعىرۋ» باعدارلامالىق ماقالاسىندا ەلباسى «حالقىمىزدىڭ تامىرى تاريحىنىڭ تەرەڭىنەن باستاۋ الاتىن رۋحاني كودى بولادى...جاڭا تۇرپاتتى جاڭعىرۋدىڭ ەڭ باستى شارتى – سول ۇلتتىق كودىڭدى ساقتاي ءبىلۋ» دەگەن بولاتىن. رۋحاني كودتىڭ ءتۇپ تامىرى مەملەكەتتىك تىلدە جاتىر.
تۇتاس قوعامنىڭ جانە ءاربىر قازاقستاندىقتىڭ ساناسىن جاڭعىرتۋدىڭ ەلباسى ۇسىنىپ وتىرعان ءاربىر باعىتىن جۇزەگە اسىرۋ، سونداي-اق «قازاقستان رەسپۋبليكاسىنداعى ءتىل تۋرالى» زاڭىنىڭ، تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسىنىڭ ورىندالۋىن قامتاماسىز ەتۋ، ءتىل ساياساتىنىڭ نەگىزگى باستى باعىتتارىنىڭ ءبىرى ونوماستيكا – «جەر-سۋدىڭ اتى – تاريحتىڭ حاتى» دەگەندەي اقتاڭداقتاردى جويىپ، وسكەلەڭ ۇرپاقتىڭ ەلىنىڭ تاريحىنا دەگەن پاتريوتتىق سەزىمىن وياتۋ باعىتىنداعى جۇمىستاردى نىعايتۋ، ەكىنشى ۇلكەن سالا – تەرمينولوگيا، قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيالىق كوميسسياسى بەكىتكەن تەرميندەردى ستاندارتتاۋ، تەرمينولوگيالىق قوردى بىرىزدەندىرۋ، ءۇشىنشى ۇلكەن سالا – تاريحي ماڭىزدى قادام، بۇگىنگى كۇننىڭ وزەكتى ماسەلەسى – لاتىن قارپىنە كوشۋ جانە ت.ب. جۇمىستاردى جۇزەگە اسىرۋ تىلدەردى دامىتۋ جانە قوعامدىق-ساياسي جۇمىس كوميتەتىنىڭ الدىندا تۇرعان باستى مىندەتتەردىڭ ءبىرى.
سونىمەن قاتار ەلباسى ەلدىڭ الەۋمەتتىك-ەكونوميكالىق باعىت-باعدارىن انىقتايتىن جىل سايىنعى جولداۋىن جاساپ كەلەدى. وسى جولداۋلاردا مەملەكەتتىلىگىمىزدىڭ تىرەگى رەتىندە مەملەكەتتىك ءتىلدىڭ ءورىسىن كەڭەيتۋ جايىنا ايرىقشا توقتالىپ وتىرادى. ءبىر-بىرىنىڭ جالعاسى ىسپەتتەس جاسالىپ وتىرعان جولداۋلار تۇراقتى ءتىل ساياساتىن جۇرگىزۋگە ارقاۋ بولۋدا.
ناتيجەسىندە ەلىمىز تاۋەلسىزدىك العان جىلداردان باستاپ تىلدەردى دامىتۋ سالاسىندا ەلەۋلى جەتىستىكتەرگە قول جەتكىزدى.
رەسپۋبليكامىزدا مەملەكەتتىك ءتىلدى وقىتۋدىڭ ادىستەمەلىك بازاسى قالىپتاستى. وسى جىلدار اراسىندا كوپ دەڭگەيلى وقۋ-ادىستەمەلىك كەشەندەر، ەرتەگىلەر، بالالارعا ارنالعان ادەبيەتتەر، سالالىق سوزدىكتەر، تانىمدىق، عىلىمي، پۋبليسيستيكالىق كىتاپتار شىعارىلدى.
تاۋەلسىزدىك جىلدارى قول جەتكىزىلگەن جەتىستىكتەردىڭ ءبىرى جەر-سۋ، وبەكتىلەر اتاۋلارىنا ءبىرىڭعاي كوزقاراستى قالىپتاستىرۋ، ولاردىڭ ەسەبىن جۇرگىزۋ تاريحي اتاۋلاردى قالپىنا كەلتىرۋ ماقساتىندا ونوماستيكالىق كوميسسيا جۇمىسىن باستادى. وسى جىلدار اراسىندا رەسپۋبليكا بويىنشا ونوماستيكالىق اتاۋلاردى رەتتەۋ جۇمىستارى جۇرگىزىلدى.
سونىمەن قاتار تاۋەلسىزدىك العان ۋاقىتتان بەرى الاش ارىستارىن ەل ەسىندە ماڭگى قالدىرۋ ماقساتىندا ولاردىڭ ەسىمدەرىن ءبىرقاتار وبەكتىلەرگە، اكىمشىلىك اۋماقتىق بىرلىكتەر مەن ولاردىڭ قۇرامداس بولىكتەرىنە بەرۋ جۇمىستارى جۇرگىزىلدى. ناتيجەسىندە بۇگىنگى تاڭدا رەسپۋبليكا بويىنشا ءا. بوكەيحاننىڭ، ا. بايتۇرسىنوۆتىڭ، م. جۇمابايەۆتىڭ، م. دۋلاتوۆتىڭ، م. شوقايدىڭ ەسىمدەرىمەن بىرنەشە كوشەلەر مەن وبەكتىلەر اتالادى. سونىمەن بىرگە ۇستىمىزدەگى جىلعى27 قاراشاداوتكىزىلگەن ق ر ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ كەزەكتى وتىرىسىندا قاراعاندى وبلىسىبالقاش قالاسىنىڭ №15 مەكتەپ-ليسەيىنەاليحان بوكەيحانوۆتىڭ ەسىمىن بەرۋ، پريوزەرسك قالاسىنىڭوزەرنايا كوشەسىن– الاش كوشەسى، ساتبايەۆ قالاسىنداعى پەرۆوسترويتەلەي كوشەسىن – الاش كوشەسى، الماتى قالاسىنىڭ ءبىرقاتار كوشەلەرىنەجانشا دوسمۇحامەدوۆتىڭ، تەلجان شونان ۇلىنىڭ، سماعۇل ءسادۋاقاس ۇلىنىڭ، اقتوبە قالاسىنىڭ ل.ميرزويان كوشەسىنە – ءاليحان بوكەيحانوۆتىڭ، گارنيزون كوشەسىنە – جانشا دوسمۇحامەد ۇلىنىڭ ەسىمدەرىن بەرۋ جونىندە كوميسسيانىڭ وڭ قورىتىندىسى بەرىلدى.
سونىمەن بىرگە بۇگىنگى تاڭدا يدەولوگيالىق تۇرعىدان ەسكىرگەن، قايتالاناتىن اتاۋلاردى تاريحي جانە ءداستۇرلى اتاۋلارمەن وزگەرتۋ جۇمىستارى دا قىزۋ قولعا الىنىپ وتىر.
اقتوبە قالاسىنداعى پۋگاچيەۆ كوشەسىن – مۇحتار اۋەزوۆ، س. رازين كوشەسىن – ءماشھۇر ءجۇسىپ كوپەي ۇلى، پەرۆومايسكيي كوشەسىن – سىرىم باتىر، ر. ليۋكسەمبۋرگ كوشەسىن – دينا نۇرپەيىسوۆا، د. بەدنىي كوشەسىن – قاسىم حان، م.ت. رياحوۆ كوشەسىن – ماحمۇد قاشقاري، سونداي-اق كوبوزيەۆ، تەلمان،اع.كوروستىليەۆتار، كراسنوششەكوۆ، جۋكوۆسكيي، ۆ.ف.زينچەنكو، ۆ.ي.چاپايەۆ، دەكابريستەر، كوتوۆسكيي، ۆوروۆسكيي، كيسەليەۆ، لەنينگرادسكيي، زەملەدەلچەسكيي، پاتوليچيەۆ، بابۋشكين كوشەلەرىنە،تاراز قالاسىنداعى ۆيشنيەۆايا كوشەسىن – مەرۋەرت، كلۋبنيچنايا 1 كوشەسىن – ۇزىنتاۋ، لەسنايا كوشەسىن – بالقاراعاي، ابريكوسوۆايا كوشەسىن – قازىنا، بولوتنايا كوشەسىن – اقباقاي، پاۆلودار قالاسىنداعى لەنين كوشەسىن – استانا، پاۆلودار وبلىسى ەكىباستۇز قالاسىنداعى 70 لەت ۆلكسم كوشەسىن – بولاشاق، كوميسساروۆ كوشەسىن – سارىارقا، كرۋپسكايا كوشەسىن – ىنتىماق، وكتيابرسكايا كوشەسىن – بەرەكە، قاراعاندى وبلىسى پريوزەرسك قالاسىنداعى بەرەگوۆايا كوشەسىن – باستاۋ، ۆەسەننيايا كوشەسىن – سارىارقا،ساتبايەۆ قالاسىنداعى كوماروۆ كوشەسىن – ماڭگىلىك ەل، الماتى قالاسىنداعى 114 اتاۋى قايتالاناتىن كوشەمەن قاتار فۋرمانوۆ كوشەسىن – نۇرسۇلتان نازاربايەۆ كوشەسى،شىعىس قازاقستان وبلىسى بويىنشا ماياكوۆسكيي اتىنداعى نەگىزگى مەكتەبى – سالقىنتوبە، شيەۆچەنكو اتىنداعى نەگىزگى مەكتەبى – قاراجال، كرۋپسكايا اتىنداعى نەگىزگى ورتا مەكتەپ-ينتەرناتى – نەگىزگى ورتا مەكتەپ-ينتەرناتى دەپ قايتا اتاۋ جانە وزگەرتۋ بويىنشا جانە ت.ب. ۇسىنىستارعا وڭ قورىتىندى بەرىلدى.
سونىمەن قاتار وڭىرلەربويىنشا وبلىستىق ونوماستيكاكوميسسياسىندااقمولا وبلىسىنداقورعالجىن اۋدانىنىڭ كوممۋنار اۋىلدىق وكرۋگى – مايشۇقىر، اقكول اۋدانىنىڭ مينسكوە اۋىلى – سازدى بۇلاق، ۆينوگرادوۆكا اۋىلى – كەمەركول اۋىلى، وكتيابرسكايا، كومسومولسكايا، لەنين، ستەپنايا، سترويتەلنايا جانە ت.ب. كوشەلەرى ۇلى دالا، تاۋەلسىزدىك، نۇرلى جول، جەلتوقسان سىندى ۇلتتىق تانىمعا جاقىن اتاۋلارمەن، سونىمەن قاتار ابىلاي حان، ىبىراي التىنسارين، قانىش ساتبايەۆ، تۇرار رىسقۇلوۆ سىندى ۇلى تۇلعالاردىڭ ەسىمدەرىمەن قايتا اتاۋ تۋرالى ۇسىنىستارعا، باتىس قازاقستان وبلىسى بويىنشا بەلوگور، پولتاۆا، لۋبەن اۋىلدىق وكرۋگتەرىمەن قاتار، م.مينايەۆا،وكتيابرسكايا، سوۆەتسكايا،سەنترالنايا، لەنينا، فۋرمانوۆا، چاپايەۆا جانە ت.ب.، قوستاناي وبلىسى بويىنشا ماياكوۆسكيي، ششەرباكوۆ، الەكساندروۆ اۋىلدىق وكرۋگتەرى، داۆىدەنوۆكا اۋىلى،ۋكراينسكايا، ستەپنايا، بولنيچنايا، زەلەنىەريادى، 40 لەت وكتيابريا، اەرودرومنايا، كوماروۆجانە ت.ب.،جامبىل وبلىسى بويىنشا40 لەت پوبەدى كوشەسى – جەتىسۋ، شكولنايا كوشەسى – الاش، كلۋبنايا كوشەسى – كۇلتوبە، جەلەزنودوروجنايا كوشەسى – مۇستافا شوقاي، يۋبيلەينايا كوشەسى – ماعجان جۇمابايەۆ جانە ت.ب.،قىزىلوردا وبلىسى بويىنشاپروەزدنايا كوشەسى – اقسۋ، گيدروۋزەل كوشەسى – مىڭارال، كارەرنىي تۇيىعى – شالقىما تۇيىعى، مەتەورولوگيچەسكيي تۇيىعى – مويىلدى تۇيىعى جانە ت.ب.، پاۆلودار وبلىسى بويىنشا سوۆەتوۆ كوشەسى – بوستاندىق، بەرەزوۆايا كوشەسى – اققايىڭدى، لەسنايا كوشەسى – شالعىندى، ستەپنايا كوشەسى – جەڭىس، كوممۋنيستيچەسكايا كوشەسى – ەگەمەن، سوۆەتوۆ كوشەسى – بولاشاق، نابەرەجنايا كوشەسى – بىرلىك جانە ت.ب.اتاۋلارعا تاريحي جەر-سۋ اتاۋلارى مەن ءداستۇرلى اتاۋلارعا وزگەرتۋ جونىندەگى ۇسىنىستارعا وڭ قورىتىندى بەرىلدى.ماڭعىستاۋ وبلىسىنداسوۆەتسكايا، اۆياتور، ۆپچ كوشەلەرىمەن قاتار باسقا وبلىستاردا دا ۇلتتىق تانىمعا جاقىن ءداستۇرلى اتاۋلارىمەن وزگەرتۋ بويىنشا ءتيىستى جۇمىستار جۇرگىزىلۋدە.
سونىمەن قاتار تاعى ءبىر ۇلكەن قول جەتكىزگەن جەتىستىك – رەسپۋبليكا بويىنشا 84 ستانسيانىڭ اتاۋى مەن ترانسكريپسياسى وزگەردى. اتاپ ايتقاندا، ۆيشنيەۆكا تەمىرجول ستانسياسى – ارشالى، كيرگيلدا تەمىرجول ستانسياسى – الىمبەت، دجامبۋل تەمىرجول ستانسياسى – تاراز، شيپوۆو تەمىرجول ستانسياسى – تاسقالا، روستوشسكيي تەمىرجول ستانسياسى – بەلەس، ەرالييەۆو تەمىرجول ستانسياسى – قاراقيا، چەرنوۆودسكيي تەمىرجول ستانسياسى – يگىلىك، سەرگييەۆكا تەمىرجول ستانسياسى – ىنتىماق، بيرشوگىر ستانسياسى – بەرشۇگىر، كيمپەرساي ستانسياسى – كەمپىرساي، تالدى-كۋرگان ستانسياسى – تالدىقورعان، سەميپالاتينسك ستانسياسى – سەمەي ستانسياسى، چۋ ستانسياسى – شۋ، بۋرنوە ستانسياسى – بوراندى،چولدالا ستانسياسى – ءشولدالا، ستانسياسى؛ۋچبۋلاك ستانسياسى – ءۇشبۇلاق،چەباكتى ستانسياسى – شاباقتى جانە ت.ب.
تاۋەلسiزدiك – اتا-بابالارىمىزدىڭ جۇزدەگەن جىلدارمەن ولشەنەتiن ارمان-اڭسارىنىڭ جۇزەگە اسقان اقيقاتى دەيتىن بولساق، ونوماستيكالىق، ۇلتتىق اتاۋلار حالقىمىزدىڭ، وسكەلەڭ ۇرپاقتىڭ ەلجاندىلىعىن، ەلىنە دەگەن ۇلتتىق ماقتانىشىن بىلدىرەتىن تاربيەلىك رۋحاني، مادەني ماڭىزى زور فاكتورى بولىپ ەسەپتەلمەك. ەلدىگىمىزدىڭ كورىنىسىن، بەت-بەينەسىن كورسەتەتىن، بايىرعى قازاق ۇلتى مەن ۇلى دالاسىنىڭ اسقاقتىعىن ايعاقتايتىن تاريحي اتاۋلار مەن بايىرعى اتاۋلاردى ساقتاۋ جانە قايتارۋ ول بۇگىنگى كۇننىڭ ماسەلەسى.
كەڭ بايتاق ەلىمىزدىڭ تۇكپىر-تۇكپىرىندە ءالى دە جۇزدەگەن، مىڭداعان ەلدى مەكەندەر مەن ۇيىمدار، مەكەمەلەر، وتكەن كەزەڭنىڭ وتارشىلدىق، كەڭەستىك-يدەولوگيالىق كورىنىسىن بىلدىرەتىن اتاۋلار ءالى دە ساقتالىپ وتىر. الداعى ۋاقىتتا ەلدىڭ، جەردىڭ، حالىقتىڭ ۇلتتىق سيپاتىن، تاريحىن پاش ەتەتىن ونوماستيكا ماسەلەلەرىن بۇگىنگى ساياساتىمىزعا قاراي رەتتەۋ ماسەلەسى ءالى دە جالعاسىن تاباتىن بولادى.
تاۋەلسىزدىك العان جىلدان باستاپ تەرمينولوگيا ماسەلەسى دە دامىپ، جەتىلدى. قازاق تەرمينجاسامىنىڭ ەرەكشەلىكتەرى، تەرمينتانۋدىڭ تاريحى مەن كەلەشەگى جانە باسقا دا تەرمينولوگيا سالاسىنىڭ وزەكتى ماسەلەلەرى جۇيەلەندىرىلە باستادى. قازاق تەرمينولوگياسىنىڭ ۇلتتىق ەرەكشەلىگىن جاڭعىرتۋ جۇمىستارى قولعا الىندى. ناتيجەسىندە ەلىمىزدە تەرمينولوگيالىق قور21 000 تەرميندى قۇرايدى. العاش رەت تەرمينوگرافيانى دامىتۋ جانە تەرميندەردى بىرىزدەندىرۋ ماقساتىندا 30 تومدىق قازاقشا-ورىسشا، ورىسشا-قازاقشا سالالىق تەرمينولوگيالىق سوزدىك شىعارىلدى.
سونىمەن قاتار مەملەكەتتىك ءتىلدىڭ قولدانىلۋ اياسىن كەڭەيتۋ ماقساتىندا 2016 جىلى «Tilalemi.kz» پورتالى، «Termincom.kz» تەرمينولوگيالىق، «Atau.kz» ونوماستيكالىق، «Emle.kz» ورفوگرافيالىقبىرىڭعاي ەلەكتروندىق بازالار، ياعني سايتتار اشىلسا،2017 جىلعى جەلتوقسان ايىنىڭ سوڭىندا بالالارعا ارنالعان «Balatili.kz» سايتى ىسكە قوسىلادى جانە بالالارعا ارنالعان15 سەريادان تۇراتىن «ءسوز قازىناسى» انيماسيالىق فيلم،باسەكەگە بەيىم ءقازاقتىلدى جاستاردى كوتەرۋ، قولداۋ ماقساتىندا«ەنشى» زياتكەرلىك-تانىمدىق سايىسى تەلەجوباسى كوپشىلىكتىڭ نازارىنا ۇسىنىلادى.
سونىمەن قاتار 2017 جىلدىڭ باستى جاڭالىعى، تاريحي ماڭىزدى قادام، بۇگىنگى كۇننىڭ وزەكتى ماسەلەسى – لاتىن قارپىنە كوشۋ.
ەلباسىنىڭ «قازاقستان-2050» ستراتەگياسى حالىققا جاريا ەتىلگەننەن كەيىن ەل ىشىندە ەرەكشە سەرپىلىس تۋعىزعان، جاعىمدى جاڭالىق رەتىندە ەلدى ەلەڭ ەتكىزگەن باستى وقيعانىڭ ءبىرى وسى ءالىپبي اۋىستىرۋ ماسەلەسى بولدى. قالىڭ جۇرتشىلىق، شىعارماشىلىق ينتەلليگەنسيا، عالىمدار قاۋىمى، اسىرەسە جاستار جاعى كوپتەن كۇتكەن بۇل شەشىمدى ۇلكەن قۋانىشپەن قابىلدادى. ولاي بولاتىنى تابيعي. ويتكەنى بىزدە لاتىن الىپبيىنە كوشۋ تاۋەلسىزدىك تاڭى اتقان كۇننەن باستاپ جيىرما بەس جىلدان استام مەرزىم ىشىندە كوپ تالقىلانعان، زەردەلەنگەن، قوعامنىڭ باسىم بولىگىنىڭ قولداۋىنا يە بولىپ، شەشىمىن كۇتىپ جۇرگەن ماسەلە.
لاتىن ءقارپىن قابىلداۋ بىزگە نە بەرەدى دەيتىن بولساق، بۇل ەڭ الدىمەن، تۇركى جۇرتىنىڭ بىرلىگىن، ءوزارا ىقپالداستىعىن ارتتىرۋعا يگى ىقپال ەتەدى.
لاتىن الىپبيىنە كوشۋدىڭ ءبىز ءۇشىن ەكىنشى ءبىر ۇتىمدى قىرى – ەۋروپا ەلدەرىمەن ىقپالداسۋعا، ينتەگراسياعا كەڭىرەك جول اشادى.
ۇشىنشىدەن، عىلىمي اقپاراتتار مول جيناقتالعان ەلدەر قولدانىپ وتىرعان لاتىن ءالىپبيى عىلىمي ينتەگراسياعا، الەمدىك عىلىمي كەڭىستىككە كىرىگۋىمىزگە دە سەپتىگىن تيگىزەدى.
ءالىپبي اۋىستىرعاندا ۇتار تۇستارىمىزدىڭ تاعى ءبىرى – اقپاراتتىق تەحنولوگيالار ءتىلىن مەڭگەرۋ، ولاردى قيىندىقسىز پايدالانۋ مۇمكىندىگىنىڭ ارتاتىندىعى.
بۇگىنگى تاڭدا لاتىن قارپىنە كوشۋ ماسەلەسىنە قاتىستى مينيسترلىك تاراپىنان اۋقىمدى شارالار جۇزەگە اسىرىلۋدا.
ەلباسى 2017 جىلعى 26 قازاندا «قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى» جارلىققا قول قويدى.
مينيسترلىك تاراپىنان ءقازىر «قازاق ءتىلى ءالىپبيىن لاتىن گرافيكاسىنا كوشىرۋ جونىندەگى» ۇلتتىق كوميسسيا قۇرىلدى. قازاقستان رەسپۋبليكاسى پرەمەر-مينيسترىنىڭ 2017 جىلعى 14 قاراشادا № 153 وكىمىمەن قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيانىڭ قۇرامى مەن ەرەجەسى بەكىتىلدى جانە العاشقى وتىرىسى ۇستىمىزدەگى جىلى 16 قاراشادا وتكىزىلدى.
كوميسسيا قۇرامىنا ق ر پرەزيدەنتى اكىمشىلىگىنىڭ، ۇكىمەتتىڭ، «نۇر وتان» پارتياسىنىڭ وكىلدەرى، پارلامەنت دەپۋتاتتارى، ءتيىستى مينيسترلىكتەردىڭ باسشىلارى، سونداي-اق بەلگىلى قوعام قايراتكەرلەرى مەن ءتىل سالاسىنىڭ ماماندارى كىردى.
مينيسترلىك مۇددەلى مەملەكەتتىك ورگاندارمەن بىرلەسە قازاق ءتىلى ءالىپبيىنىڭ 2025 جىلعا دەيىن لاتىن گرافيكاسىنا كەزەڭ-كەزەڭىمەن كوشۋى بويىنشا ءىس-شارالار جوسپارىنىڭ جوباسىن ازىرلەدى.
اتالعان ءىس-شارالار جوسپارى جوباسىندا قازاق ءالىپبيىنىڭ 2025 جىلعا دەيىن لاتىن گرافيكاسىنا كەزەڭ-كەزەڭىمەن كوشۋى ەگجەي-تەگجەيلى كورىنىس تاباتىن بولادى. 2025 جىلعا قاراي ءىس قاعازدار، مەرزىمدى باسپاسوزدەر، وقۋلىقتار ءبارى دە لاتىن الىپبيىمەن باسىلىپ شىعارىلاتىن بولادى.
سونداي-اق ءبىلىم جانە عىلىم مينيسترلىگىمەن، باسقا دا مۇددەلى مەملەكەتتىك ورگاندارمەن بىرلەسە ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنان، ا. بايتۇرسىن ۇلى اتىنداعى ءتىل ءبىلىمى ينستيتۋتىنان، م. اۋەزوۆ اتىنداعى ادەبيەت جانە ونەر ينستيتۋتىنان، جوو-نان ءتىل جانە IT تەحنولوگيا سالاسىنداعى ساراپشىلاردى تارتا وتىرىپ ورفوگرافيالىق، ادىستەمەلىك، تەرمينولوگيالىق جانە ساراپتامالىق-تەحنيكالىق جۇمىس توپتارىقۇرىلدى. ۇلتتىق كوميسسيانىڭ ەكىنشى وتىرىسى وتكىزىلدى. بۇگىنگى تاڭدا اتالعان جۇمىس توپتارى بەلگىلەنگەن جوسپارعا سايكەس ءوز جۇمىستارىن جۇرگىزەتىن بولادى.
قورىتا ايتقاندا، قازىرگى تاڭدا دۇنيەگە كەڭ تاراعان لاتىن ءالىپبيى تۇركى جۇرتىنىڭ تۇگەل بولۋىنا قىزمەت ەتەتىن، زاماناۋي تەحنولوگيا ءتىلىن مەڭگەرۋ مەن الەمدىك اقپاراتتىق كەڭىستىككە ەنۋدىڭ سارا جولى.ەلباسىمىز اتاپ وتكەندەي: «قازاق ءتىلىن لاتىن الىپبيىنە كوشىرۋ – بۇل – انا ءتىلىمىزدىڭ جاھاندىق عىلىم مەن بىلىمگە كىرىگۋىن، ءارى الەم قازاقتارىنىڭ رۋحاني تۇتاستىعىن قامتاماسىز ەتەتىن بىرەگەي قادام» بولماق.
بۇل قادامدار تاريحىمىزعا، وتكەنىمىزدى سارالاپ، بولاشاعىمىزدى بولجاۋعا قوسار ۇلەسى مول قازىنا بولادى دەپ ويلايمىن. تاريحتى تەرەڭنەن زەرتتەپ، ۇرپاققا ۇلاعاتتى ءىس قالدىرۋ ارقىلى عانا ىرگەلى مەملەكەتتىگىمىزدى ساقتاي الامىز.
